1 Timotheo 1 - KITAABA WAAQA

¹ Maqaani kiyya Paulo, anini ergattu Kristo Yeso, fed'i Waaqa Qarqaarsa keennatiifi ta Kristo Yeso abdi keenna gula.

² Gara Timotheo, ilma kiyya ka d'uga d'ugefacha keesa: Waaqa Abbaafi Kristo Yesoni, Aabbooni keenna, eebafi naasufi nagaya si kenninna.

Gorsa gara barsiisa d'ara

³ Anini si Efeso keesa teetu fed'a, akuma anini gaafa Makedonia deeme siti hime kaani. Nami gari achiti dubbi d'ara barsiisu jira, jara suniini, Lakisa jed'i.

⁴ Odu duritiifi maqa heddu ka ababoota, Lakisa jed'iini; wonti kunini wolmormiti ch'allaani d'ufti; fed'i Waaqa ta d'ugefacha ch'allaani beekhani inguutu.

⁵ Wonti nu seera kana baamneefi, aka jaalalti ta garaa dansa keesaa baatuufi ta qalbi dansaafi d'ugefacha dansa keesaa baatu, mullattu.

⁶ Nami gari ya waan kana lakise, hasaa daalluma gula bade.

⁷ Barsiiftu seera Waaqa tahu fed'ani, ammo dubbi ufitiifi waan jabeesani odeesani suni inhubatani.

⁸ Aka Seeri dansa imbeenna, yo aada gula tolfatani.

⁹ Ammo wonti hubachu malani, seera nama dansaafi imid'aasine ammo worra akana tolchuufi mid'aasani — ka seera ch'absufi, ka wo yakufi ka Waaqa imbeenneefi ka daba tolchuufi worra aada Waaqa qulqullo gula iyaanefi worra abbaafi haad'a ufi ijeesufi ka nama fit'ufi

¹⁰ sharmut'afi midiisafi, nama nama d'ibi hatufi ka d'ara dubbate kiyyibu, yokhaani ka barsiisa d'uga lakise waan d'ibi tolchu.

¹¹ Barsiisaani Odu Dansa ta harka kiyyati kennani tana, Odu Dansa ta Waaqa gudda abba eeba iraa d'uftu.

Galata maro naasu Waaqaatiifi

¹² Anini Kristo Aabbo keenna galata deebisa, ka jabeenna anini huji isaatiini hojad'u naa kenne. Anini waan inni na herege, aka anini huji isaa hojad'u na fohateefi, galata deebisaafi,

¹³ ato anini duri isa tufad'e gaargalche arabsele. Ammo Waaqi na nahe, maro anini d'ugefacha d'abe ato inhubatiini wollaaleefi.

¹⁴ Ammalle Aabbooni eeba ufi guddise naa kenne, d'ugefachaafi jaalala ta Kristo Yeso keesati teenna taate woliini.

¹⁵ Jechi kuni ka d'ugaati, fud'atani d'ugefachu malani: Kristo Yesoni aka nama daba baasuufi lafa d'ufe. Guddaani worra suni ana,

¹⁶ ammo maro tanaafi Waaqi ka ana gudda worra dabati nahe, aka Kristo Yesoni obsa ufi narati agarsiisu, aka anini worra hegeri isa d'ugefate jireenna argatu akheekha tahu.

¹⁷ Gara Hayyu haga hegeri tau, ka indoonefi ka imullanne, Waaqa tokocha, guddinnaafi ulfinni ha isaa tahu, ammafi hegerile! Amini.

¹⁸ Ilma kiyya, Timotheo, anini d'aamsa kana siti d'aamad'a. Dubbi fagiisa ta duri waan kanke faddu gula d'aamad'a. Dubbini sunini ha woraanaa wonte sii taatu, hojja atini had'iisa dansa haate,

¹⁹ d'ugefachaafi herega dansa horattu. Nami gari herega ufi dansa suni gula yau dide, d'ugefacha ufi balleese.

²⁰ Himenayofi Iskandani jara kana keesa jirani anini ya harka Sheet'anati worra kenne, aka worri iti deebie Waaqa inarabsine.