1 Samueli 6 - KITAABA WAAQA

¹ Eegi Sanduqi Wold'aqisa ka Waaqa jia torba lafa Filisti keesa tae,

² biyyiti qaaloleefi worra wo himule yaamte waan jetteeni, Sanduqa Wold'aqisa AABBO Waaqa kana maani tolchina? Hojja nu fulla inni baheefiti galchine maanini woliini galchu malle?

³ Worri waan jed'eeni, Hojja isani Sanduqa Wold'aqisa Waaqa Israeli galchitani duwa ingalchina, woini woliini galcha, aka akasiini gati daba keesani baaftani. Akanaani isani fayyitani, ammalle waan inni akana isani gaargalchefi barattani.

⁴ Biyyiti waan jette, Nu maanini isa ergu malle? Worri waan jed'eeni, Hayyooti Filisti shani, tanaafi akheekha d'ulla ka worqi shanifi ammalle akheekha hantuta shani ka worqi erga. Wonti akanatiifi d'ukuba takati isanifi hayyoota teesani shanani qabate.

⁵ Akheekha d'ullatifi ka hantuta, ka lafa teesani balleese, mid'aasa, ammalle Waaqa Israeli guddisa. Inni hegerii isanifi waaqa keesanifi lafa teesanile gaargalchu lakisa.

⁶ Isani maanifi aka hayyu Misiritiifi worri isaa duri tahe mata jabaattani? Inded'ina, aka Waaqi duri worra haga worri worra Israelile guddisuti qach'o iti d'at'e.

⁷ Tanaafi gaari hareesafi hawicha looni lama, ka taka qaampara ira inkayini kurfeesa; gaariti hid'a, yabbiye d'oqobati jalaa galcha.

⁸ Sanduqa Wold'aqisa AABBO Waaqa fuud'a gaari suniti faha, ammalle Sanduqa toko d'ibi keesaa akheekha worqi ka isani maro gati daba keesaniti isaa baaftani keesa kaya. Duuba Sanduqa kana d'aatu Sanduqa Wold'aqisa kaya. Gaari suni karaati qajeelcha, galakisa, ha ufumaani deemu.

⁹ Duuba akanumati ilaani tissaa; yo inni dira Beth-Shemeshiti qajeele, nami gaargala kana nutiini d'ufe Waaqa Israeli. Ammo yo inni iti inqajeelini, aka nami gaargalani nuti d'ufe isa intahini imbeenna. Sunini muduma.

¹⁰ Worri waan jed'aniini ch'ufa tolche; hawicha lama fuud'ani gaariti hid'ani, yabbiye jalaa d'oqobati rarani.

¹¹ Duuba Sanduqa Wold'aqisatiifi sanduqa akheekha d'ullatifi ka hantuta ka worqiini mid'aasani qabu kaanile woliini gaari gubba kayani.

¹² Hawachi kaani kara Beth-Shemeshiti qajeele, ka ira ingore iti d'aabate. Mamaracha kara gula iti d'aabate duuba hayyooti Filisti shanani taani gula yaate, haga seera dira Beth-Shemeshitini baatuti.

¹³ Worri Beth-Shemeshi ka dargaye bale keesa haamu jiru olmilate jennaani Sanduqa Wold'aqisa arge, aka male gammade.

¹⁴ Gaarini sunini oobru namicha toko, ka Joshua jed'ani, ka dira Beth-Shemeshi, d'ufe d'akha gudda toko birati ejate. Jennaani biyyiti gaari suni fafalansite hawicha suni qaqalte, sorio gubde AABBO Waaqaa baafte.

¹⁵ Worri Lawi Sanduqa Wold'aqisa ka AABBO Waaqatifi sanduqa akheekhi worqi kaani keesa jiru gaari iraa fuud'e d'akha gudda kaani gubba kaye, jennaani worri Beth-Shemeshi sorio gubanifi sorio d'ibi AABBO Waaqaa baase.

¹⁶ Hayyooti shanani Filisti taani aka worri waan suni tolche ch'ufa laalte duuba Ekroniti guyyuma suni dachaate.

¹⁷ Worri Filisti d'ulla worqi shanani kaani AABBO Waaqa erge, aka akasiini gati daba worraa baasani; d'ulla suni shanani dira kana shaniti erge — Ashdodi, Gaza, Ashkeloni, Gathi, Ekroni.

¹⁸ Ammalle hantuta worqi shananile dira hayyoota shanani Filisti ka maneeni jajabdu qabuufi ka ollowaani isaani naabo inqamneti erge. D'akhaani guddaani oobru Yoshua, ka worra Beth-Shemeshi, keesa jiru, ka worri Sanduqa Wold'aqisa ira kaye kaani arrale achuma jira aka waan gaafasi tahe kana d'ugeesu.

¹⁹ Waan worri Beth-Shemeshi nami torbatama Sanduqa Wold'aqisa keesa laaleefi AABBO Waaqi worra suni fit'e. Duuba biyyiti guddo boote waan AABBO Waaqi nama hagana gahu hobaaseefi.

Sanduqa Wold'aqisa lafa Kiriath-Yearimu keesati

²⁰ Jennaani worri Beth-Shemeshi waan jed'e, Eenuti dandae AABBO Waaqa qulqullo akana dura eja? Nu esa isa ergina, aka inni nu biraa deemu?

²¹ Duuba nama worra Kiriath-Yearimuti ergani waan jed'ani, Worri Filisti yayu Sanduqa Wold'aqisa AABBO deebise. Koota, fud'ad'a.