1 Samueli 29 - KITAABA WAAQA

¹ Worri Filisti askarti ufi ch'ufa Afekiti wolti baase, ammo worri Israeli maddo bale Yezreeli keesa jirtu d'aatu qubate.

² Hayyooti Filisti shanani, ka namu qooda askarti d'ibba d'ibbafi kuma kumaani qabu gad'ufte; Daudifi jari isaa hayyu Akishi woliini dudda duuba yaani.

³ Worri gugurda askarti Filisti worra Daudi arge waan hayyuuni jed'e, Worri Ebrania kunini maani armaa tolcha? Akishini waan jed'eeni, Kunini Daudi nama duri hayyicha Israeli ka Saulo jed'ani hojate. Ammo amma naafi inni guddo woliini teenne. Haga inni fulla tiyya d'ufe anini taka waan hamtu inni tolche ingarre.

⁴ Ammo jari gugurdaani askarti Filisti isaati dallane waan jed'eeni, Namicha kana dira atini kenniteefi kaaniti deebisi. Inni had'iisa nu woliini deemu himmalle, hegeri inni nuti garagale nu balleesa fa. Karaani inni dandae abbaani gammachiisuni, ka ijeecha inni nama keenna ijeesu ira jiru, injira?

⁵ Kunini Daudiniti? Ka nad'eeni sirba keesa faarsite waan isaa akana jettu? Sauloni nama kunkikunki ijeese, ammo Daudini nama kunkikunki kud'ani ijeese.

⁶ Jennaani Akishini Daudi yaame waan jed'eeni, AABBO Waaqi imbeekha, aka atini naa saalfate, anini gama kiyyaani guddo gammada yo atini na woliini duultu. Anini haga atini fulla tiyya d'ufte taka wollaala womatu sirati ingarre, ammo jari hayyoota kunini d'ibiini si inquufu.

⁷ Tanaafi amma nagayaani keesa deebii; waan worri infeene tokole intolchini.

⁸ Daudini waan jed'eeni, AABBO anini maani yake? Haga anini fulla tante d'ufe asi atini haga arra wollaala maani narati garte aabbo kiyya? Tanaafi maanti na d'owa, ee hayyicha, aka anini si woliini deeme nyaapa kanke had'u?

⁹ Akishini waan jed'eeni, Sunini d'uga atini aka malaika Waaqa nati fakaata. Ammo hataatu, hayyooti taani ya didde, aka atini nu woliini duultu.

¹⁰ Tanaafi bori diirama, yo lafti bariite siifi nami ch'ufti ka Saulo biraa d'ufe kaa, keesa deebia.

¹¹ Duuba boriyyaate Daudifi jari isaa diirama lafa kaani, lafa Filistiti deebiani ammo worri Filisti kae gara Yezreeli durati iti d'aabate.