1 Samueli 26 - KITAABA WAAQA

¹ Worri toko ka Zifu, Saulo ka Gibea jiruti d'ufe waan jed'eeni, Daudini gaara Hakila ka Yesbimoni ilaboruti d'okhachu jiraniti?

² Sauloni hojuma suni kae, askarti Israeli nama kuma sadi dadansa ch'alla wolti filate lafa aloo ta Zifu Daudi barbaadaa iti d'aabate,

³ kara keesa gaara Hakila gubbaa bule. Daudini lafuma aloo suni keesa jira, inni aka Sauloni isa barbaadu d'agaye jennaani,

⁴ nama dooyaa erge, aka Sauloni d'uguma achi jiru mid'aafate.

⁵ Inni hojuma suni kae, fulla Saulofi Abinerini, ilmi Neri ka gudda askarti Saulo bulani, arge. Sauloni jiddu duula bule, ka nami ch'ufti isa marsu.

⁶ Jennaani Daudini Ahimeleki ka gosa Hititifi Abishai ka oboleesa Yoabu (haati worraa Sheruya jed'ani) gaafate waan jed'eeni, Isani lamaani kana keesa eentu fulla Sauloni jiru suni na woliini deema? Jennaani Abishaini Anati deema jed'eeni.

⁷ Duuba Daudifi Abishaini fulla Saulo d'ufani, Saulo ka askarti isa jed'u, woraana d'aatu mata isa d'aabate rafu, argani. Abinerifi askartini isaa taani ch'ufti isa marsite rafu jirti.

⁸ Abishaini waan Daudini jed'e, Arra AABBO Waaqi yayu nyaapa kanke harka kanketiti kenne. Amma eegi, woraanuma isatini isa tumad'e lafati hod'a, maruma toko iti indeefad'u!

⁹ Ammo Daudini waan isani jed'e, Isa woma intolchini. AABBO Waaqi nama hayyu inni muude wo tolchu illakisu, ingaargalcha.

¹⁰ Ammalle AABBO Waaqi ya na garsiise aka inni Saulo ijeesu, hojja guyyaani isa gahe duu taanaani, yokhaani hojja inni had'iisa keesati duu taanaani.

¹¹ AABBO Waaqi na didinna waan anini nama inni hayyu tolche wo tolchuufi! Kooti, woraana isaatiifi sorora isaa fuune biraa yaana.

¹² Jennaani Daudini woraanafi sorora bisaani, ka d'aatu mata Saulo jiru, fuud'e isaafi Abishaini kaani iti d'aabatani. Nami tokoleeni ka worra arge yokhaani ka waan worri tolche beekhu injiru, nami tokoleeni ka damaqe injiru. Worri ch'ufti aka male rafu jira, waan AABBO Waaqi hiriba gudda worra ch'ufati buusefi.

¹³ Jennaani Daudini bale gama suniti olqabate diqo fagaate, gaara kore lalabe

¹⁴ waan askarti Saulotifi Abinerini jed'e, Abineri, na d'ageeta? Jennaani Abinerini waan jed'e, Nami lalabe hayyu kaasu kuni eenu?

¹⁵ Daudini waan jed'eeni, Abineri, atini d'iiraniti, Israeli keesa nami sira jiru injira? Atini maanifi hayyicha abba kanke intissini? Amuma tana reefu namichi toko hayyicha abba kanke ijeesu d'ufe.

¹⁶ Wonti atini taate sunini dansaaniti anini maqa Waaqa jirutini kakhad'a, isani ch'ufti duu maltani waan isani abba keesani ka AABBO Waaqi muude inqorqoratinifi. Me, ufi d'aatu laala, woraani hayyicha me? Sorori bisaani ka fulla mata isaa jiru me?

¹⁷ Sauloni qonqo Daudi hubate, Daudi, ilma kiyya, sunini sii? jed'e gaafate. Daudini waan jed'eeni, Ee hayyicha, anuma

¹⁸ aabbo, atini maanifi ammalle na reebda? Anini maani yaake? Wollaali kiyya maani?

¹⁹ Ee hayyicha, dubbi tiyya d'agayi yo nami beeni, Daudi had'i sini jed'e AABBO Waaqa taate, anini sorio baaseefi herega isaa garagalcha: ammo yo nama taate, AABBO Waaqi nama suni balleesinna. Wonti akanatiifi worri sunini lafa AABBO Waaqa keesaa na baase, lafa d'ibi anini waaqa d'ibi kad'ad'uni na d'ufe.

²⁰ D'iiga kiyya, lafa nyaapa keesati, fulla AABBO Waaqi injirreti, injissini. Hayyuuni Israeli maanifi taffi aka kiyya kana ijeesu d'ufa? Inni maanifi aka gororii na had'achu d'ufa?

²¹ Jennaani Sauloni waan jed'eeni, Anini yayu ch'ubbame, gadeebii, ilma kiyya Daudi. Waan atini halkani kana lubbu tiyya baafteefi anini ituma deebie woma si intolchu. Anini yayu aka male daallae waan hamtu tolche!

²² Daudini waan jed'eeni, Woraani kanke kana, nami kanke toko ha d'ufe fuud'uti.

²³ AABBO Waaqi nama d'ugaafi qajeeluma gula deemu ineebisaafi. AABBO Waaqi arra ya harka kiyyati si kenne, ammo anini nama inni muude hayyu tolche tuqu dide.

²⁴ Akuma arra anini lubbu si baase kana AABBO Waaqi akasuma lubbu na baase gaargala ch'ufa keesaa na baasina!

²⁵ Jennaani Sauloni waan Daudini jed'e, Ilma kiyya, Waaqi sii eebisinna! Atini waan tolchitu ch'ufa inuma dabsatta. Jennaani Daudini kara ufi iti d'aabate, Sauloleeni worra ufiti gale.