1 Samueli 24 - KITAABA WAAQA

¹ Sauloni reebu worra Filistiti deebie jennaani, Daudini lafa aloo ta d'aatu Engedi jira jed'aniini.

² Jennaani Sauloni askarti kuma sadi askarti Israeli keesa filate fulla toko ta, D'akhaye Ree Ala jed'ani gama ilaboru barbaadu d'aqe.

³ Inni goda toko ka d'aatu moona hooliye jiru, ka d'aatu karaati gore finch'aye. Godi sunini ka Daudifi jari isaa keesa lit'e keesati d'okhachu jiru.

⁴ Jari suni waan Daudini jed'e, Guyyaani AABBO Waaqi, nyaapa kanke harka keetiti kenne waan feetu tolchi sini jed'e kana Daudini laanuma gaade, ka Sauloni woma quba inqamne, dudda duubani bahe woya isaa qota isii toko iraa kute.

⁵ Ammo eege Daudini waan akasi tolcheefi gaabe,

⁶ waan jara ufitini jed'e, AABBO Waaqi na didinna waan hayyu inni fohate anini wo tolchufi! Anini diqo haganale woma tolchu himmalle, inni hayyu, ka AABBO Waaqi muude!

⁷ Dubbi taanaani Daudini jara isaa Saulo had'u d'owe. Sauloni kae goda keesaa bahe kara gula iti d'aabate.

⁸ Jennaani Daudini gula gabahe, Sauloti lalabe, Ee hayyicha jed'e yaame. Sauloni ufi duuba millate jennaani Daudini durati gajed'e

⁹ waan jed'eeni, Atini maanifi dubbi nama Daudini si ijeesu fed'a jed'u ch'aqafta?

¹⁰ Kuno, reefuma tana yayu garte, aka AABBO Waaqi goda keesati harka kiyya keesa si buuse. Jari kiyya ka gari, ijeesi nani jed'e, Ammo anini sii nahe, lubbu si baase waan jed'e, Anini dandae hayyu kiyya, ka AABBO Waaqi muude, woma intolchu.

¹¹ Me, waan anini harka qabu kana laali, aabbo kiyya, tunini woya tantetiniti? Sila yo fed'e ya si ijeese ammo woyyuma tana ch'alla siraa kute. Aka anini herega si jala didunifi waan hamtu siti tolchu inqamne tanani beeta, na d'ugeefad'i. Atini ijeecha tiyyafi lafa ch'ufa keesa na gula marte na barbaadda, ato anini waan hamtu tokole si tolchu baad'ele.

¹² AABBO Waaqi ha anaafi sii nama wollaala qabu arguti! Inni waan atini akana na gaargalchiteefi sile gaargalchina anini gama kiyyaani woma si intolchu.

¹³ Atini mammaasa, ch'ubbuuni ch'ubbicha ira baati jed'u beeta? Anini woma si intolchu.

¹⁴ Hayyuuni Israeli eenu ijeechaa barbaada? Atini eenu reebda? Sare doote? Taffii?

¹⁵ AABBO Waaqi ha dubbi tana laale, d'ugaafi d'ara arguti. Inni ha dubbi tana laale. Naa dubbate, harka kanke keesa na baasuti.

¹⁶ Daudini dubbi buufate jennaani Sauloni waan jed'eeni, Nami kunini d'uguma si, ilma kiyya Daudi? Dubbi tana jennaani Sauloni lalabe bohe,

¹⁷ waan Daudini jed'e, D'uga teeti, anumati wollaale. Atini guddo waan dansa na tolchite ammo anumati waan hamtu si tolchu jira!

¹⁸ Atini reefu waan dansa na tolchite ka na ijeesu didde, ato AABBO Waaqi harka kanke keesa na kayele.

¹⁹ Nami hojja nyaapa isaa arge ka woma intolchine akuma kanati gad'iisa? AABBO Waaqi waan dansa sii kennina, waan atini arra waan dansa na tolchiteefi!

²⁰ Anini imbeekha, aka atini hayyu taate, lafti Israeli si jalati finna dansa argattu.

²¹ Amma maqa AABBO Waaqatini nati kakhad'i, aka atini d'aloota kiyya imballeesine, aka maqa kiyyafi ka worra kiyyaleni imbanne.

²² Duuba Daudini ee jed'e iti kakhate. Jennaani Sauloni kae gale, Daudifi jari isaleeni fulluma iti d'okhatani taaniti deebiani.