1 Samueli 18 - KITAABA WAAQA

¹ Eegi Daudifi Sauloni haasaa buufatani, Yonathanini adaba Daudi arge maache akuma ufi jaalatu isa jaalate.

² Guyya suni asi Sauloni Daudi ufi bira teesise worrati galu d'owe.

³ Yonathanini maro Daudi guddo jaalatefi wold'aqani

⁴ ubaara d'eera inni keeyatu baafate, miha lolaatifi goraadeefi guubefi gurdale Daudii kenne.

⁵ Hojja Sauloni Daudi huji ergu ch'ufa Daudini erga suni aka dansaa guute, tanaafi Sauloni gudda askarti isa tolche dubbini tunini gumifi worra gugurda askartile gammachiifte.

Aka Sauloni Daudii d'iibifate

⁶ Daudini Goliathi ijeese gale jennaani, ka askartini ch'ufti gadi galuu jirtu, nad'eeni dira Israeli ch'ufti wolti baate, hayyu Saulo yoyo fuula keesa yaate, dibbefi kiraari d'oofte faarsite, sirbaa iti yaate.

⁷ Sirba keesa worri waan jed'e, Sauloni nama kunki ijeese, ammo Daudini nama kunkikunki kud'ani ijeese.

⁸ Sauloni sirba kana d'ageennaani guddo dallane waan jed'e, Daudini nama kunki kud'ani ijeese jed'ani, ammo Sauloni nama kunki ch'alla ijeese jed'ani! amma hayyu tolchiti male maanti hafefi!

⁹ Tanaafi guyya suni asi inni Daudi quufu dide ila d'iibitini laale.

¹⁰ Boriyyaate Waaqi jinni Sauloti erge, jinnini sunini isa qaabatte mana isa keesati marachite. Daudini akuma guyya ch'ufa tolche kaani kiraari d'au jira, ammo Sauloni woraana harkaa qaba.

¹¹ Jennaani inni woraana suni maro lama darbe waan jed'e, Anini Daudi akana woraane manati mat'ansa; ammo Daudini maro lachu miliqe duraa bahe.

¹² Waan AABBO Waaqi isa lakise Daudi gula baheefi Sauloni Daudi sodaate.

¹³ Tanaafi Sauloni Daudi ufi biraa baase gudda askarti kuma toko tolche. Daudini askarti isa duulani d'aqe,

¹⁴ waan AABBO Waaqi isa woliini jirufi waan ch'ufa dabsate.

¹⁵ Sauloni aka inni waan ch'ufa dabsatu arge jennaani haga qarale ira isa sodaate.

¹⁶ Ammo nami Israelifi Yuda keesa jiru ch'ufti Daudi jaalate, waan inni nama dansa nama dura deemu tahe waan ch'ufa dabsateefi.

Aka Daudini intala Saulo fuud'e

¹⁷ Jennaani Sauloni waan Daudini jed'e intala tiyya guddo ta Merabu jed'ani tana sii keenna, hod'i, fuud'i. Ammo hojja fuute askarti janna tate AABBO Waaqa hojachu malte. (Sauloni waan ufiini jed'e, Anini harka kiyyaani isa intuqu, ha worri Filisti isa ijeesuti.)

¹⁸ Daudini waan jed'eeni, Anini eenu qara? Worri kenaleeni Israeli keesa eenu ka anini intala hayyu fuud'u?

¹⁹ Ammo hojjani Daudini Merabu fuud'u geennaani isa lakisani namicha toko ka Adirieli jed'ani, ka worra Meholathiti kennani.

²⁰ Duuba intalti Saulo ta Mikali jed'ani guddo Daudi jaalate; Sauloni akasi d'agaye jennaani guddo gammade waan

²¹ ufiini jed'e, Anini Mikali Daudii keenna, aka isiini t'urura iti taate duuba worri Filisti isa ijeesu. Duuba maro lameeso Sauloni waan Daudini jed'e intala tiyya fuud'i.

²² Jennaani Sauloni hojattu ufi yaame waan jed'eeni, Daudi yaama, kobati, haasaani, waan jettaniini, Hayyuuni ya si maache, hojattuuni isaleeni ya si jaalate. Tanaafi amma intala isaa fuud'i.

²³ Duuba dubbi tana Dauditi himani jennaani inni waan jed'e, Isani sodda hayyu tahiti waan diqo seetani? Anini hiyyeesa, namileeni na imbeekhu.

²⁴ Worri hojattu kaani dubbi Daudini jed'e taani Sauloti hime.

²⁵ Sauloni waan jed'eeni, Waan isani Daudini jettani, Wonti qarat'a intala ka hayyuuni sira fed'u missa d'ibba lama ka atini worra Filisti ijeefte murate duuba akasiini haalo na baaftu jed'e. (Akanaani Sauloni aka worri Filisti Daudi ijeesu malate.)

²⁶ Hojattuuni Saulo dubbi tana Dauditi himte jennaani inni aka sodda hayyu tahu iraa gammade. Ato guyyaani fuud'a ingainu,

²⁷ Daudifi worri isaa yae nama d'ibba lama ka gosa Filisti fit'e missa worra ka murate kaani ch'ufa fuud'e hayyu duraani d'ufe aka akasiini sodda hayyu tahu, jennaani Sauloni intala isaa Mikali Daudii kenne.

²⁸ Sauloni aka AABBO Waaqi Daudi woliini jiru arge, ammalle aka intalti isaa Mikalini isa jaalatule arginaani,

²⁹ haga qara ira Daudi sodaate, haga jiru ch'ufa nyaapa iti tahe.

³⁰ Askartini worra Filisti akuma qara kaani worra Israelitini wolhaati, ammo hojja woli had'ani suni ch'ufa Daudini askarti Saulo taani ch'ufa ira worra balleese. Akanaani guddo beekhame gurra baafate.