1 Samueli 16 - KITAABA WAAQA

¹ AABBO Waaqi waan Samuelini jed'e, Atini haga yoomi Saulo boota? Eegi anini aka inni hayyu Israeli tahu dide. Amma tana buuda kanke d'ad'a iti naqi, Bethlehemu mana namicha Yese jed'ani d'aqi. Anini ilma isaa toko yayu fohad'e, aka inni hayyu tahu.

² Ammo Samuelini waan jed'eeni, Anini akami dandae akasi tolcha? Sauloni, yo d'agaye, na ijeesa! AABBO Waaqi waan jed'eeni, Goromsa toko fuud'i, duuba anini sorio AABBO Waaqa baasu d'ufe jed'i.

³ Sorio suni Yese iti yaami, duuba waan atini tolchuu malte anati si garsiisa. Duuba nama anini si garsiisu muudi.

⁴ Samuelini waan AABBO Waaqi jed'eeni guute, Bethlehemu d'aqe inni achini bahe jennaani jaaroleeni ta naate hoholatu iti d'ufte waan jetteeni, Aabbo, atini naguma d'ufte?

⁵ Ee, naguma d'ufe; anini sorio AABBO Waaqa baasu d'ufe, isani ufi qulqulleesa, na woliini koota jed'eeni. Jennaani inni Yesefi ilmaani isaatini, ufi qulqulleesa jed'e, sorioti yaame.

⁶ Worri d'ufe jennaani Samuelini Eliabu arge, waan garaa keesati ufiini jed'e, Nami arma AABBO Waaqa dura eju kunini d'uguma nama inni fohate.

⁷ Ammo AABBO Waaqi waan isaani jed'e, D'eerinnaafi mid'aaguma isaa iniilalini, anini yayu isa dide. AABBO Waaqi waan nami laalu iniilaalu. Nami nama nafuma ala laala, ammo AABBO Waaqi garaa keesa ilaala.

⁸ Jennaani Yeseni Abinadabu yaame Samueli duraa d'ufe. Ammo Samuelini waan jed'e, AABBO Waaqi kanale infohanne.

⁹ Jennaani Yeseni Shamani d'ufe Samuelini ammalle waan jed'e, Kanale AABBO Waaqi infohanne.

¹⁰ Kara kanaani Yeseni ilmaani isaa torba Samueli duraani d'ufe. Ammo Samuelini waan jed'eeni, AABBO Waaqi tana, tokole infohanne.

¹¹ Jennaani inni waan jed'eeni, Ilmaani d'ibi qabda, tana male? Yeseni waan jed'eeni, Maand'icha tokoti hafe ka tikha hooliye jiru. Samuelini waan jed'eeni, Isa gayyaami, haga inni d'ufuti nu sorio imbaafnu.

¹² Duuba Yeseni nama erge isa yaame. Inni diima gabba mid'aaga, ilti qanqurti qabdi. Jennaani AABBO Waaqi waan Samuelini jed'e, Ka fed'ani, kana kai, muudi!

¹³ Samuelini d'ad'a fuud'e, oboleyaani isaa durati Daudi muude. Hojuma suni lubbuuni AABBO Waaqa jabeennaani isa ira buute deebite isa biraa indeemne. Jennaani Samuelini Ramati deebie.

Daudi mana Saulo keesa

¹⁴ Lubbuuni AABBO Waaqa Saulo biraa deemte, AABBO Waaqi jinni iti erge.

¹⁵ Hojattuuni isaa waan isaani jette, Nu ya garre aka jinnini AABBO Waaqi siti erge si gaargalchuu jirtu.

¹⁶ Tanaafi, aabbo, yo atini feete nu gad'iisi, nama kiraari d'au sii barbaanna. Duuba hojja jinnini siti d'uftu inni kiraari ufi tabate akasiini fayyita.

¹⁷ Duuba Sauloni waan worraani jed'e, Nama kiraari aka dansaa tabachu beekhu barbaada, natiini koota.

¹⁸ Namichi hojattu isaa toko waan jed'eeni, Anini gurba toko, ka Yese ka worra Bethlehemu, ka aka dansaa kiraari d'au beekhu, imbeekha. Inni ammalle janna mid'aaga, askarti dansa, ammalle guddo dubbi beekha. AABBO Waaqileeni isa woliini jira.

¹⁹ Jennaani Sauloni nama Yeseti erge waan jed'eeni, Ilma kanke Daudi, ka hooliye tissu, naa ergi.

²⁰ Jennaani Yeseni qit'afi daad'i gorjo miju harreti fahe, ilme ree woliini gara Saulo Daudini erge.

²¹ Daudini Sauloti d'ufe huji isaa qabate. Sauloni guddo isa maache, nama miha isaa ka lola baatu tolfate.

²² Jennaani Sauloni qonqo Yeseti erge waan jed'e, Anini Daudi yayu maache, inni ha huji tiyya keesa tauti.

²³ Guyya suni asi, hojja jinnini AABBO Waaqi erge Sauloti d'uftu ch'ufa, Daudini kiraari isaa fud'ate tabataafi. Duuba jinnini sunini Saulo iraa deebiite, isa miiri iti deebie gooma.