1 Samueli 15 - KITAABA WAAQA

¹ Samuelini waan Sauloni jed'e, Nami AABBO Waaqi si muuditi erge ana, aka atini hayyu worra isaa ka Israeli tatu. Amma tana waan AABBO Waaqi guddaani jed'u ch'aqasi.

² Wonti AABBO Waaqi guddaani jed'e tana, anini worra Amaleki ingaargalcha, waan worri gaafa gochiti Israeli duri lafa Misiriti gad'ufte qarqaaru dideefi.

³ Beeni, d'aqi gosa Amaleki had'i, hobaasi, waan worri qabu ch'ufa balleesi, woma tokole imhambisini; d'iira, nad'eeni, ijoolle didiqole ch'ufa hobaasi; looni, ree gaala, harreele ch'ufa hobaasi.

⁴ Sauloni askarti isaa ch'ufa Telemuti wolti baase tohate; askartini Israeli kuma d'ibba lamati, ta Yudaleeni kuma kud'ani.

⁵ Jennaani isaafi askartini isaa kaani, dira Amaleki d'aqaani, laga keesati d'okhatani worra eegani.

⁶ Duuba inni qonqo gara worra Keni, ka duri ababooti worraa worra, Israeli qarqaarte gaafa worri lafa Misiri keesaa bahe, erge waan jed'e, Worra Amaleki biraa godaana, aka anini worra suni woliini isaani imballeesine. Tanaafi worri Keni kae biraa godaane.

⁷ Jennaani Sauloni worra Amaleki had'e dabsate haga Havilaa fuud'e haga Shuri, ta lafa Misiritiini ilaboru jirtuti d'aabe;

⁸ inni hayyu Amaleki ka Agagi jed'ani qabe worra isa ch'ufa hobaase.

⁹ Ammo Saulofi askartini isaa Agagi lubbu baafte, hooliyeefi looni gagabbo dadansa, yabbiyefi ilmoole gagabbo dadansa yokhaani waan dadansa ch'ufa hobaasu didani. Worri waan hamamtu tufatani ka woma keesa injirre ch'alla hobaase.

Aka hayyuma Saulo didani

¹⁰ AABBO Waaqi waan Samuelini jed'e,

¹¹ Anini waan Saulo hayyu tolcheefi guddo gaabe. Inni naraa gore naa saalfachu dide. Samuelini dubbi suni ira guddo laalefate halkani suni ch'ufa AABBO Waaqati boha bule.

¹² Boriyyaate lafaa kae Saulo barbaadu d'annaani waan jed'aniini yayu dira Karmeli d'aqe, achiti akheekha woi, ka isaani qaabattani, jaarate duuba Gilgaliti dabre.

¹³ Samuelini Sauloti d'ufe jennaani Sauloni isa nagaya fuud'e waan jed'eeni, AABBO Waaqi si eebisinna! Anini dubbi AABBO Waaqa ya gula deeme guute.

¹⁴ Ammo Samuelini waan jed'eeni, Marriti loonitifi ta ree ta anini d'agayu tunini maani re?

¹⁵ Sauloni waan jed'eeni, Askarti tiyyati worra Amaleki iraa boojie. Worri loonifi hooliye ira gagabbo hambise, aka AABBO Waaqa kanketi sorio baasu. Ammo nu hori kaani ch'ufa yayu hobaamne.

¹⁶ Samuelini waan Sauloni jed'e, Lakisi afaani qabad'i, waan AABBO Waaqi edda nani jed'e siti hima. Sauloni waan jed'eeni, Hayye, nati himi.

¹⁷ Duuba Samuelini waan jed'eeni, Ato atini nama diqa woma keesa injirre ufi seetele, atini hayyu gosa Israeli ch'ufaani deemu. AABBO Waaqi si fohate, si muude hayyu Israeli si tolche.

¹⁸ Ammalle inni si erge, Beeni, worra hamama Amaleki suni ch'ufa balleesi haga maqa worraa lafa d'abaniti ch'ufa had'i siini jed'e.

¹⁹ Atini maanifi dubbi AABBO Waaqa gula indeemini re? Atini maafi worra saamte, waan worra guurate, waan AABBO Waaqi infeene taate?

²⁰ Sauloni waan jed'eeni, Anini dubbi AABBO Waaqa ya gula deeme. Anini erga isaa guute, hayyu Agagi boojie worra Amaleki ch'ufa fit'e.

²¹ Ammo askartini tiyya hooliyeefi looni gagabbo ijeesu dide boojite, aka Gilgalini d'ufte sorio AABBO Waaqa kanketi baaftu.

²² Samuelini waan jed'eeni. AABBO Waaqi saala fed'a mo waan gubani isaa baasanifi sorio fed'a? Saalfachaani isaa saalfatani gabbinna ilmoole hoola ta isaa sorio baasani kennanifi ira jirti.

²³ Diditini isa didani akuma falfala hamtu. Kiyyibi isa durati kiyyibanileeni akuma nama waaqa harkani mid'aasani kad'ate hama. Waan atini dubbi AABBO Waaqa diddeefi, innileeni aka atini hayyu tate worra Israeli dura deemtu ya dide.

²⁴ Sauloni waan jed'eeni, Anini yayu ch'ubbu tolche, dubbi AABBO Waaqatifi jecha kanketile guutu dide. Anini askarti tiyya sodaad'e dubbi worraa gula bahe.

²⁵ Ammo amma anini si kad'ad'a ch'ubbu tiyya naa araarami, ammalle Gilgaliti na woliini deebii, aka anini AABBO Waaqale kad'ad'u.

²⁶ Ammo Samuelini waan jed'eeni, Anini si woliini indeebiu, atini yayu dubbi AABBO Waaqa didde, innileeni yayu aka atini hayyu Israeli taatu si dide.

²⁷ Duuba Samuelini deema garagallaani Sauloni fit'e woya isaa qabe duuba woyaani tarsaate.

²⁸ Samuelini waan isani jed'e, Arra AABBO Waaqi yayu hayyuma atini Israeliini fiddu siraa fuud'e, nama sira jiru d'ibii kenne.

²⁹ Waaqi guddaani Israeli d'ara indubbatu yokhaani heregi isaa garaingalu. Inni namaaniti, ka herega garagalfatu.

³⁰ Sauloni waan jed'eeni, Anini yayu ch'ubbu tolche, ammo hataatuti atini jaarole gosa tiyyatifi worra Israeli ch'ufa durati na inch'eersini na woliini deemi, aka anini AABBO Waaqa kad'ad'u.

³¹ Duuba Samuelini Saulo woliini deeme, Sauloni AABBO Waaqa kad'ate.

³² Jennaani Samuelini waan jed'e, Agagi hayyu Amaleki natiini koota. Jennaani Agagini ka nahe hollate lubbuuni d'ufte garaa ufi keesati bada, dooti akami nama d'ibdi? jed'u isa dura d'ufe.

³³ Samuelini waan jed'eeni, Akuma goraadeeni tante hawani heddu ilme d'owarte akasuma amma tana haati tante ilme d'abdi. Jennaani Samuelini Agagi Gilgaliti AABBO Waaqa durati garagari ch'ire ijeese.

³⁴ Jennaani Samuelini Ramati iti d'aabate, ammo Sauloni worra isaa ka Gibeati gale.

³⁵ Eegi suni Samuelini taka jireenna ufi keesa Saulo inagarre, ammo guddo boheefi. AABBO Waaqileeni waan Saulo hayyu Israeli tolcheefi guddo gaabe.