1 Petro 5 - KITAABA WAAQA

¹ Anini jaarole gumi ta jiddu teesani jirtu kad'ad'a, anileeni jaarsa. Anini gaargala Kristo ila tiyyaani arge, duuba guddinna eegi tana mullisani qooda keesaa qaba. Anini isani kad'ad'a:

² Hooliye Waaqi isanii kenne garaa tokooni tissa, garaa lamaaniti, akuma Waaqi aka isani tolchitani fed'u. Huji teesani hori keesaa argattani ch'allaafi intolchiina, ammo fed'iini tolcha.

³ Worra harka keesaniti kennani imohatiina, ammo akheekha dansa hooliyee taha.

⁴ Duuba gaafa Tissituuni Guddooni d'uftu, sure hayyuma ta haga jirtu adi ch'aama argattani.

Gorsa nama ch'ufa

⁵ Akasuma isani kaimi, jaarole saalfachu maltani. Nami ch'ufti ha ufi diqeese woli hojatu; wonti akanatiifi Waaqi worra ufi guddisuuni morka, ammo ka ufi diqeesu ineebisa.

⁶ Harka Waaqa jalati ufi diqeesa duuba, aka inni, yo hojjaani geete, isani guddisu.

⁷ Gaargala keesani ch'ufa harka isaati kennad'a, wonti akanatiifi inni isani jaalate qorqorata.

⁸ Kurfo taa, eegad'a! Nyaapi keesani Sheet'ani, aka nyeench'a itanaa deeme nama nyaatu barbaada.

⁹ D'ugefacha teesani jabeesa, isa dida; isani imbeetani, aka nami aka keesani d'ugefate, lafa ch'ufa keesa, akuma keesani gaargalu jiru.

¹⁰ Ammo eegi isani bulti diqo toko gaargaltani, Waaqi eeba ch'ufa, ka aka guddinna Kristo woliini qoodattani isani yaame, isani qit'eese, jabeenna isanii kenne, yayaba jaba isanii mid'aasa.

¹¹ Inni jabeenna ammatiifi ka hegerile argatinna! Amini.

D'aamsa eege

¹² Anini tatabe diqo tana qarqaarsa Silwano, ka anini aka oboleesa d'uga heregad'utiini, t'aafe. Anini isani jabeesu fed'a, ammalle aka eebiti Waaqaaqaaqa d'uga, isaniti himu fed'a. Eeba tanaani jabaad'a.

¹³ Gumiini Babiloni, ta Waaqi fohate, nagaya isanii d'aamti, ilmi kiyya Marikoleeni nagaya d'aamata.

¹⁴ D'ungo jaalala Kristianatiini nagaya wolfuud'a. Nageenni isani worra Kristo ch'ufa woliini tahinna.