1 Petro 2 - KITAABA WAAQA

¹ Hameenna ch'ufa lakisa; nama insobina, inkiyyibiina, wolinqot'isiina, wolinarabsiina!

² Aka ijoolle d'io d'alatte taha, nama hojja ch'ufa aanani qulqullo ka lubbuti beelau, aka eegi d'uddani gugurdattani baafamtani.

³ Wonti akanatiifi isani ya arjooma Waaqaa gartani.

⁴ Gara Aabbo koota, inni d'akha jiru ka biyyiti ch'ufti didde, ammo Waaqi fohate.

⁵ Aka d'akha jiru koota, aka mana lubbutiini isani jaarani, aka qaalole qulqullo taatani, sorio dansa ta Waaqi fed'u Aabbo Yeso Kristo keesa baaftani.

⁶ Wonti akanatiifi t'aafiini waan jettu: Anini d'akha gati guddo qabu fohad'e, aka fiit'e mana tahu Sioni keesa kaya: Nama isa d'ugefatu tokole inch'eersani.

⁷ Tanaafi isani worra d'ugefatu, d'akhaani kunini d'akha jaba; ammo worra ind'ugefanne: D'akhaani ijartuuni tuffate dide yayu d'akha jaba tahe.

⁸ T'aafiini d'ibileeni waan jettu: D'akhaani nama gufachiisu kana, d'akha nama buusu. Worri waan dubbi ind'ugefatiiniifi gufata; wonti Waaqi worraa herege tana.

⁹ Ammo isani gosa Waaqi fohate, qaalole hayyuti, gosa qulqullo, gumi Waaqaati, ta aka huji Waaqa ta mama odeesitaniifi fohatani, ka dukana keesaa ifsa isaa ka mamaati isani yaame.

¹⁰ Duri isani gumi Waaqatiiniti, ammo amma gumi isaati; duri naasu Waaqa imbeetani, ammo amma ya naasu isaa argattani.

Aka hojattu Waaqa taa

¹¹ Anini isani kad'ad'a, jaalaani tiyya, ta aka keessumatiifi aka nama baqaa yau lafa tana keesa jirtani! D'araa nafa gula imbadiina, ta hojja ch'ufa lubbuuni woli haatu.

¹² Adabi keesani gara worra Waaqa imbeenne ha dansa tahu, aka yo worri hameenna isani himate, huji teesani dansa argani, duuba Guyya d'ufiisa Waaqa isa faarsani.

¹³ Maro maqa Aabbootiifi aadafi seera nami baasu ch'ufa guuta: Hayyu ka waan ch'ufa harkaa qabuufi

¹⁴ worra gugurda d'ibile, ka inni aka worra daba tolchu gaargalche worra waan dansa tolchu saaduufi ergele guuta.

¹⁵ Fed'iini Waaqa tana: aka isani hasaa daalluma, ka worra woma imbeenne, huji teesani dansaani ch'allisiiftani.

¹⁶ Aka nama balchaa taa; ammo anini balcha jette waan hamtu intolchiini, aka hojattu Waaqaa taa.

¹⁷ Nama ch'ufa ch'eera, oboleyaani ta d'ugefatte jaalad'a, Waaqa sodaad'a, hayyulee ch'eera.

Akheekha gaargala Kristo

¹⁸ Isani hojattuleeni, abbooti teesani guuta saalfad'a ch'eerafi, worra laanaa ka isanii nahu ch'allaaniti, ammo ka isanii innaanele.

¹⁹ Tanaafi yo isani waan fed'i isaa guutanifi, gaargala isani himmalini argatani, Waaqi isani eebisa.

²⁰ Yo wollaala tolchitani isani d'aanani, ammo wollaala suni obsitani, maani isanii baati? Ammo yo waan qajeela tolchitani gaargala obsitani, Waaqi maro suniifi isani eebisa.

²¹ Waan kanati Waaqi isani yaame; wonti akasitiifi Kristoni duri maro teesaniifi gaargale akheekha isanii tahe, aka isani faana isaa gula yaatani.

²² Inni taka daba intolchine, yokhaani nami tokoleeni isa d'ara dubbatu ind'ageenne.

²³ Gaafa isa arabsani inni taka nama inarabsine; isa gaargalchinaani inni nama tokole insodachiimne, ammo abdi ufi, Waaqa d'uga, ka d'uga gula wo qoru, gubba keyate.

²⁴ Kristoni daba keenna maskaliti baate, aka nu dabaani doone d'ugaani jiraannu. Madaa isatiini isani fayyisani.

²⁵ Isani qara aka hooliye kara iraa badde jirtani; ammo amma ya Tissitufi Qorqorattu lubbu teesaniti deebitani.