1 Korintho 2 - KITAABA WAAQA

¹ Gaafa anini gara keesani d'ufe aka d'ossa Waaqa ta d'uga isani barsiisu, oboleyaani tiyya, anini dubbi gugurdofi waan qarooma indubbanne.

² Wonti akanatiifi anini haga isani woliini jiru aka waan ch'ufa ded'u kutad'e, Yeso Kristo male, keesuma duisa isaa maskali gubbati.

³ Tanaafi gaafa anini gara keesani d'ufe, lalaafe sodaani holad'e;

⁴ hasaafi odu tiyyale qaroomaani dubbachu dide, ammo jabeenna Lubbu Waaqatiini hasae.

⁵ D'ugefachaani teesani duuba qarooma nama keesa injirtu, ammo jabeenna Waaqa keesa jirti.

Qarooma Waaqa

⁶ Ammo worra aka dansa waan lubbu barateti anini qalbiini dubbad'a. Ammo qaroomi sunini ka lafa tanaatiiniti, yokhaani ka jabeenna lafa tana fiduniti — ka hobau jiru.

⁷ Qaroomi anini dubbad'u qarooma Waaqa ka nama d'ossani, ka Waaqi qara guddinna keennaafi fohate, ato lafti inuumamiini.

⁸ Hayyooti lafa tana tokoleeni qarooma kana imbeetu. Ato sila beete Abba guddinna maskali irati infanniftu.

⁹ Ammo akuma t'aafiini jettu. Waan nami taka arge ind'agayiini, waan nami taka inheregiini, Waaqi worra isa jaalatu kurfeeseefi.

¹⁰ Ammo Waaqi d'ossa ufi nuti mullise, Lubbu ufitiini. Lubbuuni waan ch'ufa ilaalti, herega Waaqa ka d'ossa jirule.

¹¹ Lubbu nama keesa jirtuti waan nama suni ch'ufa beekha; akasuma Lubbu Waaqa ch'allati waan Waaqa ch'ufa beekha.

¹² Nu lubbu lafa tana inarganne; ammo Lubbu Waaqi nuti erge arganne, aka nu waan Waaqi nuu kenne ch'ufa barannu.

¹³ Tanaafi nu dubbi qarooma ta nami nu barsiise dubbachuti injirru, ammo dubbi Lubbuuni nu barsiifte dubbanna, ato nu worra Lubbu Waaqa qabu d'uga lubbu barsiimnu.

¹⁴ Ammo nami Lubbu Waaqa inqamne dandae kenniti Lubbuuni Waaqa namaa kennitu inargatu. Inni dandae inhubatu, woma tokole iti imfakaatu; wonti akanatiifi nama Lubbu Waaqa qabu ch'allati dandae hubata.

¹⁵ Nami Lubbu Waaqa qabu dandae waan ch'ufa gargari imbeekha, ammo nami tokoleeni dandae isa imbeekhu.

¹⁶ Akuma t'aafiini jettu, Eentu qalbi Aabbo beekha? Eentu dandae isa gorsa? Nu ammo qalbi Kristo qamna.