1Tasaloonqe 5 - KITAABA WAAQA

¹ Wonti hojja woni kunini ch'ufti taatu isanii t'aafuufi injirtu.

² Wonti akanatiifi isani imbeetani, aka Guyyaani Aabbo aka hattuuni halkaniini d'uftu d'ufu.

³ Yo nami, Wonti ch'ufti nagaya bad'aad'a jed'u, badiini tassa d'ufti! Nami tokoleeni duraa imbahu. Aka nad'eeni ch'iniinfatu jirti.

⁴ Ammo oboleyaani, isani dukana keesa injirtani, guyyaani suni tassa isaniti ind'ufiini.

⁵ Isaniini ch'ufti worra ifsa, ka guyyaati. Nu ka halkanitiiniti yokhaani ka dukanaatiiniti.

⁶ Tanaafi nu aka biyya d'ibi rafu himmalle; hojja ch'ufa kurfo teenne eegu malle.

⁷ Nami halkani rafe halkani machaa.

⁸ Ammo nu ka guyyaati, kurfo tau malle. D'ugefachaafi jaalala aka ubaara qomati keyachu malle, d'aabu teenna ta baafamale aka ruufa marachu malle.

⁹ Waaqi aka nu dalansu isaatiini gaargalu nu imfohanne, ammo aka baafama maro Aabbo keenna Yeso Kristotiifi argannuufi nu fohate.

¹⁰ Inni maro teennaafi due, aka nu isa woliini teennu, ato gaafa inni d'ufu nu jiraanne yokhaani doonele.

¹¹ Maro waan kanatifi woljabeesa, wolqarqaara, akuma amma tolchitani kana.

Gorsa eege

¹² Nu isani kad'anna, oboleyaani, aka isani worra Aabbooni fohate, ka isani barsiise gorsu, ch'eertanifi fokitani.

¹³ Ulfeesa, jaalad'a, maro huji worri hojatuufi. Nagayaani woliini taa.

¹⁴ Nu isani kad'anna, oboleyaani, worra woma inhojanne gorsa, nama ch'eeru jabeesa, lalaafa qarqaara, nama ch'ufa obsa.

¹⁵ Qorqorad'a, aka nami tokoleeni haalo woli imfuune, hojja ch'ufa waan dansa wolifi nama d'ibile tolcha.

¹⁶ Guyya ch'ufa gammada,

¹⁷ hojja ch'ufa Waaqa kad'ad'a,

¹⁸ waan ch'ufa keesati galata deebisa. Wonti Waaqi isani ira fed'u tana, jireenna keesani ka Kristo keesa jiru.

¹⁹ Lubbu Qulqullo ind'aamfiina;

²⁰ dubbi hafuura Waaqa qabdu intufatiina.

²¹ Waan ch'ufa laalad'a: waan dansa olkeyad'a,

²² hameenna aka ch'ufa lagad'a.

²³ Waaqi nagaya nuu kennu, ka is isaa isani tolfatiinna, lubbufi onneefi nafa keesani wollaala ira d'owiina, gaafa Aabbo Yeso Kristoni d'ufu.

²⁴ Nami isani yaamu jiru waan suni dandae intolcha, inni ka d'ugefatani!

²⁵ Nule Waaqa kad'ad'a, oboleyaani tiyya.

²⁶ Oboleyaani ch'ufa d'ungo oboleyaanitiini nagaya fuud'a.

²⁷ Anini isani kad'ad'a, jabeenna Aabbootiini, aka isani tatabe tana oboleyaani ch'ufaa soomtani.

²⁸ Eebiti Aabbo Yeso Kristo isani woliini tahinna.