1 Jã Sɛbɛ 1 - A NAAŊMƖN PƲLƖ̃-TA-PAALAA

A BAAFƲ ƳƐRƖ̃

¹ A ala na ɩ a baafʋ ƴɛrɩ̃ ɩnɛ sɩ sɛbɛ nyɩ, na ɩ a ƴɛrɩ̃ ʋlɔ na dãa be be a korĩ-cɛ jaa, sɩ na dãa wõ, ɩ̃ a sɩ mimie mɩ nyɛ. Sɩ ꞌwuor ʋ na cɛ̃pɛn, ɩ̃ a sɩ nur mɩ sɩɩr ʋ.

² A Naaŋmɩn miilʼɩ̃ na a baafʋ ʋlɔ a sɩ nyɛ ʋ; ala-ɩ̃-sɔ a sɩ ƴɛrɛ kʋrɔ nyɩ, mana nɩ nyɩ a ʋna baa-kɔ̃-tɛw na dãa be a Sãa sɛ̃ ʋ de miilʼɩ̃ sɩ.

³ A ala sɩ na nyɛ ɩ̃ mɩ wõ, ala sɩ mana nyɩ mɩ, a mɩnɛ a nyɩ na tʋɔ lãw nɩ sɩ a ʋna lãw-taa pʋɔ sɩ na tɛrɛ nɩ a Sãa nɩ a ʋ Bie *Jeeju-Kirisi.

⁴ Sɩ sɛbɛ nyɩ na a ana yele a mɩnɛ a nʋ̃ɔ ʋlɔ na be a sɩ jie na nyɩrɩ̃ ƴala.

A NAAŊMƖN Ɩ NA CÃA

⁵ A ƴɛrɩ̃ ʋlɔ sɩ na dãa wõ a *Jeeju-Kirisi sɛ̃ ɩ̃ mɩ mana kʋrɔ nyɩ ɩ na, áa Naaŋmɩn ɩ na cãa ɩ̃ a libe ma be a ʋ pʋɔ fɩ̃ɩ wa.

⁶ A sɩmɩ yel á sɩ be nɩ ʋ na, ɩ̃ lɛ cãa tʋnɔ a libe tʋmɔ, sɩ ɩ na jir-ŋmarba, ɩ̃ ma tɛrɛ yel-mɩ̃ɛ wa.

⁷ A sɩmɩ cere a cãa pʋɔ a mɩnɛ a ʋlɔ mɩ̃ɛ na be a cãa pʋɔ, lãw-taa na be na a sɩ sɔ̃w, ɩ̃ a ʋ Bie *Jeeju jɩ̃ɩ na pɛɛrɛ na a sɩ maal-fãa a jaa bara.

⁸ A sɩmɩ yel á saa tɛrɛ maal-fãa wa, sɩ bɛlɛ na sɩ mɩ̃ɛ; saa tɛrɛ yel-mɩ̃ɛ wa.

⁹ Ɩ̃ a sɩmɩ caalɩ̃ a sɩ maal-fãa kʋ a Naaŋmɩn, ʋ na de na bar kʋ sɩ, ɩ̃ cɔɔrɩ̃ a sɩ burbur a jaa bar, a-na-ɩ ʋ ɩ na dẽdẽ ɩ̃ mɩ tor.

¹⁰ A sɩmɩ yel á saa maal fãa wa, sɩ de na a Naaŋmɩn ʋ ɩ jir-ŋmara, ɩ̃ saa sɔw de a ʋ ƴɛrɩ̃ wa.