Ni Gi 7 - A Nitana Vure

A Nihabi na Kape Ni Gamai

¹ Na parava e Moses i vakalobo ni vakapesia a kape, muri i bolea a nibiri i gamai a kape turana a maka mahalana, a dede turana a maka mahalana. i rata ria ri malamala.

² E huriki a nupesi na kabu takutaku ri bole valai a maka nihabi ne BAKOVI DAGI. Re huriki nga, ria a nupesi ne Israel, ri matakari a leho ni gi palupu a rane huriki.

³ Ri bole valai na kape ne BAKOVI DAGI a karis i polotara, a bulmakau i ravulu a polona i rua, ri habi ne BAKOVI DAGI. A karis i taku ne vona a nupesi i ala rua. A nupesi i taku i bole vilia a bulmakau i taku.

⁴ Lakea e BAKOVI DAGI i takia e Moses i ta maea,

⁵ “O bole a maka nihabi i habi nau e huriki a nupesi, o habi ne huriki a kabu ne Levi. Ri gi rata a leho vona pololilo na Kape na Vaponga. A leho ne ria ri gi rata a leho ni kaloho a maka mahalana kape.”

⁶ Lakea e Moses i bole a maka karis, a bulmakau i habi ne huriki a kabu ne Levi.

⁷ I habi na kabu ne Gerson a karis i rua, a bulmakau i va, ri gi rata a leho vona.

⁸ I habi na kabu ne Merari a karis i va, a bulmakau i polotolu, ri gi rata a leho vona. E Itmar, e tune Aron a prister, i matakari ria.

⁹ Pali e Moses i uka ma i habi a karis, a bulmakau ne huriki na kabu ne Kohat, a vuhuna a maki na kape ni gamai bara ri kaloho kunana.

¹⁰ Na tahuna ni gamai a dede, e huriki a nupesi ri bole valai a maka nihabi ri habi na Vure.

¹¹ Lakea e BAKOVI DAGI i takia e Moses, “E huriki a nupesi na kabu takutaku ri gi habi a nihabi ne ria, ne vona ni gamai a dede. Na parava takutaku, a nupesi i taku ge bole valai a nihabi vona.”

¹² Na mugana parava, a nupesi ne huriki a Iuda, e Nason e tune Aminadab, i bole valai a nihabi vona:

¹³ a pelete silva, a nimavana i 130 sekel, a tavila silva, a nimavana i 70 sekel. Ra nimavana maki nga, i ramai a nimavana a sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

¹⁴ a vidiru ni rata na gol, a nimavana i 10 sekel, i vonu vona a havu mangisipa;

¹⁵ a tuna bulmakau a toga, a sipsip a toga, a tuna sipsip a toga a pida vona i taku, ne vona a nihabi gutu-vuro;

¹⁶ a meme a toga, ne vona a nihabi na naro hale;

¹⁷ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima ri tahoka a pida i taku, ne vona a nihabi na nivalemu. Ra maki nga a nihabi ne Nason e tune Aminadab.

¹⁸ Na ruana parava (2nd), a nupesi ne huriki a Isikar, e Nataniel e tune Suar, i bole valai a nihabi vona:

¹⁹ a pelete silva a nimavana i 130 sekel, a tavila silva a nimavana i 70 sekel. Ra nimavana pelete a tavila nga, i ramai a nimavana sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

²⁰ a vidiru ni rata na gol a nimavana i 10 sekel, i vonu vona a havu mangisipa;

²¹ a tuna bulmakau a toga, a sipsip a toga, a tuna sipsip a toga a pida vona i taku, ne vona a nihabi gutu-vuro;

²² a meme a toga, ne vona a nihabi na naro hale;

²³ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima a pida ne ria i taku, ne vona a nihabi na nivalemu. Ra maki nga, a nihabi ne Nataniel e tune Suar.

²⁴ Na toluna parava (3rd), a nupesi ne huriki a Sebulun, e Eliab e tune Helon, i bole valai a nihabi vona:

²⁵ a pelete silva a nimavana i 130 sekel, a tavila silva a nimavana i 70 sekel. Ra nimavana pelete a tavila nga, i ramai a nimavana a sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

²⁶ a vidiru ni rata na gol a nimavana i 10 sekel, i vonu vona a havu mangisipa;

²⁷ a tuna bulmakau a toga, a sipsip a toga, a tuna sipsip a toga a pida vona i taku, ne vona a nihabi gutu-vuro;

²⁸ a meme a toga ne vona a nihabi na naro hale;

²⁹ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima ri tahoka a pida i taku, ne vona a nihabi na nivalemu. Ra maki nga, a nihabi ne Eliab e tune Helon.

³⁰ Na vana parava (4th), a nupesi na kabu ne Reuben, e Elisur e tune Sedeur, i bole valai a nihabi vona:

³¹ a pelete silva a nimavana i 130 sekel, a tavila silva a nimavana i 70 sekel. Ra nimavana pelete a tavila nga, i ramai a nimavana sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

³² a vidiru ni rata na gol a nimavana i 10 sekel, i vonu vona a havu mangisipa;

³³ a tuna bulmakau a toga, a sipsip a toga, a tuna sipsip a toga a pida vona i taku, ne vona a nihabi gutu-vuro;

³⁴ a meme a toga, ne vona a nihabi na naro hale;

³⁵ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima ri tahoka a pida i taku, ne vona a nihabi na nivalemu. Ra maki nga, a nihabi ne Elisur e tune Sedeur.

³⁶ Na limana parava (5th), a nupesi na kabu ne Simion, e Selumiel e tune Surisadai, i bole valai a nihabi vona:

³⁷ a pelete silva a nimavana i 130 sekel, a tavila silva a nimavana i 70 sekel. Ra nimavana pelete a tavila nga, i ramai a nimavana sekel na kape na tahuna iea, ru vonu na plaoa kamumu ni vuli turana namina oliv, ne vona a nihabi na vit;

³⁸ a vidiru ni rata na gol, a nimavana i 10 sekel, i vonu vona a havu mangisipa;

³⁹ a tuna bulmakau a toga, a sipsip a toga, a tuna sipsip a toga a pida vona i taku, ne vona a nihabi gutu-vuro;

⁴⁰ a meme a toga, ne vona a nihabi na naro hale;

⁴¹ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima ri tahoka a pida i taku, ne vona a nihabi na nivalemu. Ra maki nga, a nihabi ne Selumiel, e tune Surisadai.

⁴² Na polotarana parava (6th), a nupesi na kabu ne Gad, e Eliasap e tune Deuel, i bole valai a nihabi vona:

⁴³ a pelete silva a nimavana i 130 sekel, a tavila silva a nimavana i 70 sekel. Ra nimavana pelete a tavila nga, i ramai a nimavana sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

⁴⁴ a vidiru ni rata na gol, a nimavana i 10 sekel, i vonu vona a havu mangisipa;

⁴⁵ a tuna bulmakau a toga, a sipsip a toga, a tuna sipsip a toga a pida vona i taku, ge a nihabi gutu-vuro;

⁴⁶ a meme a toga, ne vona a nihabi na naro hale;

⁴⁷ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima ri tahoka a pida i taku, ne vona a nihabi na nivalemu. Ra maki nga a nihabi ne Eliasap, e tune Deuel.

⁴⁸ Na poloruana parava (7th), a nupesi na kabu ne Epraim, e Elisama e tune Amihud, i bole valai a nihabi vona:

⁴⁹ a pelete silva a nimavana i 130 sekel, a tavila silva a nimavana i 70 sekel. Ra nimavana pelete a tavila nga, i ramai a nimavana sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

⁵⁰ a vidiru ni rata na gol, a nimavana i 10 sekel, i vonu vona a havu mangisipa;

⁵¹ a tuna bulmakau a toga, a sipsip a toga, a tuna sipsip a toga a pida vona i taku, ne vona a nihabi gutu-vuro;

⁵² a meme a toga ge a nihabi na naro hale;

⁵³ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima ri tahoka a pida i taku, ne vona a nihabi na nivalemu. Ra maki nga, a nihabi ne Elisama, e tune Amihud.

⁵⁴ Na polotoluna parava (8th), a nupesi na kabu ne Manase, e Gamaliel e tune Pedasur, i bole valai a nihabi vona:

⁵⁵ a pelete silva a nimavana i 130 sekel, a tavila silva a nimavana i 70 sekel. Ra nimavana pelete a tavila nga, i ramai a nimavana sekel na kape na tahuna iea, ru vonu na plaoa kamumu ni vuli turana a namona oliv, ge a nihabi na vit;

⁵⁶ a vidiru ni rata na gol, a nimavana i 10 sekel, i vonu vona a havu mangisipa;

⁵⁷ a tuna bulmakau a toga, a sipsip a toga, a tuna sipsip a toga i tahoka a pida i taku, ge a nihabi gutu-vuro;

⁵⁸ a meme a toga, ne vona a nihabi na naro hale;

⁵⁹ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima ri tahoka a pida i taku, ne vona a nihabi na nivalemu. Ra maki nga a nihabi ne Gamaliel, e tune Pedasur.

⁶⁰ Na polovana parava (9th), a nupesi na kabu ne Bensamin, e Abidana e tune Gideoni, i bole valai a nihabi vona:

⁶¹ a pelete silva a nimavana i 130 sekel, a tavila silva, a nimavana i 70 sekel. Ra nimavana pelete a tavila nga, i ramai a nimavana sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

⁶² a vidiru ni rata na gol, a nimavana i 10 sekel, i vonu vona a havu mangisipa;

⁶³ a tuna bulmakau a toga, a sipsip a toga, a tuna sipsip a toga a pida vona i taku, ge a nihabi gutu-vuro;

⁶⁴ a meme a toga ge a nihabi na naro hale;

⁶⁵ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima ri tahoka a pida i taku, ne vona a nihabi na nivalemu. Ra maki nga, a nihabi ne Abidana, e tune Gideoni.

⁶⁶ Na ravuluna parava (10th), a nupesi na kabu ne Dan, e Ahieser, e tune Amisadai, i bole valai a nihabi:

⁶⁷ a pelete silva a nimavana i 130 sekel, a tavila silva, a nimavana i 70 sekel. Ra nimavana pelete a tavila nga, i ramai a nimavana sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

⁶⁸ a vidiru ni rata na gol a nimavana i 10 sekel, i vonu vona a havu mangisipa;

⁶⁹ a tuna bulmakau a toga, a sipsip a toga, a tuna sipsip a toga a pida vona i taku, ge a nihabi gutu-vuro;

⁷⁰ a meme a toga, ge a nihabi na naro hale;

⁷¹ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima ri tahoka a pida i taku, ge a nihabi na nivalemu. Ra maki nga, a nihabi ne Ahieser, e tune Amisadai.

⁷² Ne ravulu a mugana parava (11th), a nupesi na kabu ne Aser, e Pagiel e tune Okran, i bole valai a nihabi vona:

⁷³ a pelete silva a nimavana i 130 sekel, a tavila silva a nimavana i 70 sekel. Ra nimavana pelete a tavila nga, i ramai a nimavana sekel na kape na tahuna iea. Ru vonu na plaoa kamumu ni vuli turana a namona oliv, ne vona a nihabi na vit;

⁷⁴ a vidiru ni rata na gol, a nimavana i 10 sekel, i vonu vona a havu mangisipa;

⁷⁵ a tuna bulmakau a toga, a sipsip a toga, a tuna sipsip a toga a pida vona i taku, ne vona a nihabi gutu-vuro;

⁷⁶ a meme a toga, ge a nihabi na naro hale;

⁷⁷ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima ri tahoka a pida i taku, ne vona a nihabi na nivalemu. Ra maki nga a nihabi ne Pagiel, e tune Okran.

⁷⁸ Ne ravulu a ruana parava (12th), a nupesi na kabu ne Naptali, e Ahira e tune Enan, i bole valai a nihabi vona:

⁷⁹ a pelete silva a nimavana i 130 sekel, a tavila silva a nimavana i 70 sekel. Ra nimavana pelete a tavila nga, i ramai a nimavana a sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

⁸⁰ a vidiru ni rata na gol, a nimavana i 10 sekel i vonu na havu mangisipa;

⁸¹ a tuna bulmakau a toga, a sipsip a toga, a tuna sipsip a toga a pida vona i taku, ne vona a nihabi gutu-vuro;

⁸² a meme a toga, ge a nihabi na naro hale;

⁸³ a bulmakau a toga i rua, a sipsip a toga i lima, a meme a toga i lima, a tuna sipsip a toga i lima ri tahoka a pida i taku, ne vona a nihabi na nivalemu. Ra maki nga a nihabi ne Ahira, e tune Enan.

⁸⁴ Ra maki nga lobo e huriki a nupesi ne Israel ri habi na tahuna ni gamai a dede. Muri ri gi a maka nihabi na dede: a pelete silva i ravulu a polona i rua, a tavila silva i ravulu a polona i rua, a vidiru gol i ravulu a polona i rua.

⁸⁵ A nimavana pelete silva takutaku i 130 sekel, a tavila silva takutaku i 70 sekel. A maka nimavana silva lobo i 2,400 sekel, i ramai a nimavana sekel na kape na tahuna iea.

⁸⁶ Ri taparaki valai a vidiru gol i ravulu a polona i rua, a nimavana vidiru takutaku i 10 sekel. A nimavana gol lobo i 120 sekel.

⁸⁷ Ri taparaki valai a tuna bulmakau a toga i 12, a sipsip a toga i 12, a tuna sipsip a toga i 12 ri tahoka a pida i taku, ne vona a nihabi gutu-vuro, turana a maka plaoa ne vona a nihabi na vit; a meme a toga i 12, ne vona a nihabi na naro hale.

⁸⁸ Ri taparaki valai a bulmakau a toga i 24, a sipsip a toga i 60, a meme a toga i 60, a tuna sipsip a toga i 60, ne vona a nihabi na nivalemu. Ra nihabi nga ni habi muri na dede ni gamai.

⁸⁹ Na tahuna e Moses i dili na Kape na Vaponga ge ta turane BAKOVI DAGI, i longoa a lohona, i ta tala na murina ni dodo, na kurukuruna a agelo i rua na Tava na Ngava Dagi, i ta turana.