Mateo 1 - A Nitana Vure

E Huriki a Vuhune Isu

¹ E huriki a vuhune Isu Kristo, a hamone Davit, a hamone Abraham.

² E Abraham e tamane Isak. E Isak e tamane Iakop. E Iakop e tamane Iuda, turana e huriki e turana mai.

³ E Iuda e tamane Peres rua e Sera, e kinane rua e Tamar. E Peres e tamane Hesron. E Hesron e tamane Ram.

⁴ E Ram e tamane Aminadab. E Aminadab e tamane Nason. E Nason e tamane Salmon.

⁵ E Salmon e tamane Boas, e kinana e Rahap. E Boas e tamane Obed, e kinana e Rut. E Obed e tamane Iesi.

⁶ E Iesi e tamane Davit, a hariki. E Davit e tamane Solomon, e kinana e girihine Uria.

⁷ E Solomon e tamane Rehoboam. E Rehoboam e tamane Abisa. E Abisa e tamane Asa.

⁸ E Asa e tamane Iehosapat. E Iehosapat e tamane Ioram. E Ioram e tamane Usia.

⁹ E Usia e tamane Iotam. E Iotam e tamane Ahas. E Ahas e tamane Hesekia.

¹⁰ E Hesekia e tamane Manase. E Manase e tamane Amos. E Amos e tamane Iosaia.

¹¹ E Iosaia e tamane Iekonaia turana e huriki e turana mai na tahuna e huriki a Babilon ri lakavu e huriki a Israel, ri turari ria lakea o Babilon.

¹² Muri ne huriki a Israel ri made o Babilon: E Iekonaia e tamane Siltel. E Siltel e tamane Serubabel.

¹³ E Serubabel e tamane Abiud. E Abiud e tamane Eliakim. E Eliakim e tamane Asor.

¹⁴ E Asor e tamane Sadok. E Sadok e tamane Akim. E Akim e tamane Eliud.

¹⁵ E Eliud e tamane Eleasar. E Eleasar e tamane Matan. E Matan e tamane Iakop.

¹⁶ E Iakop e tamane Iosep, e girihine Maria, ra i podea e Isu, ra ni gale e Kristo.

¹⁷ E huriki e kabune Isu, i vakatubu ne Abraham i valai ne Davit, ri ala ravulu a polona i va. Ne Davit i valai na tahuna ri dili o Babilon, ri ala ravulu a polona i va. Pali ne Babilon i valai na tahuna e Kristoa ni poda, ri ala ravulu a polona i va.

E Isu Ni Poda

¹⁸ A nipodane Isu Kristo i bele maea: E kinana, e Maria, ni habikari ne Iosep ge girihina. Pali i uka ma ru parangi ma, ni matakilaka vona i singou na Hanu Kiripiripi.

¹⁹ E girihina, e Iosep, a bakovi kiripiripi. I koi ni vakamaruhua na matane huriki, lakea i luhoi ni pile kapiloho kunanea.

²⁰ I tabana ni luhoi ni rata mavonga, lakea a agelo ne Bakovi Dagi i bele vona na vurena, i ta maea, “Iosep, hamone Davit, naha ni mangenge ni bolena e Maria ge girihimu, a vuhuna a maki i bele vona, i valai na Hanu Kiripiripi.

²¹ Bara i podea a koma bakovi. O vunua ge Isu, a vuhuna bara i korimule e huriki a kabu vona na naro hale ne ria.”

²² A maki nga ri bele, ge bele muholi a ngavane Bakovi Dagi i taki e huriki a propet vona hosi, i ta maea,

²³ “A sirula bara i singou tavula, i podea a koma bakovi, bara ni gale e Emanuel.” A pelegona a ngava e Emanuel i maea, “A Vure i made turane hita.”

²⁴ Na tahuna e Iosep i hadongo, i muri mai a ngavana agelo ne Bakovi Dagi. I tulia e Maria ge girihina, ru lakea na tanga.

²⁵ Pali i uka ma i mahita turana, i harena na tahuna e Maria i podea a koma bakovi vona. Lakea e Iosep i vunua a rana e Isu.