Iosua 15 - A Nitana Vure

A Malala Ni Habi na Kabu ne Iuda

¹ A kabu ne Iuda i bolea a malala ni vulaki ge ne huriki a hamone Iuda. A nagi na malala ne huriki a Iuda i puru lakea i harena na robo e Idom, i lokovonga liu na tabeke i ngeki ne Sin.

² Ra nagi iea i tubu na harena Dari Mate na tabeke mule puru,

³ i vano i polotaroa a dala i sike na lolo e Akrabim i lakea na tabeke i ngeki ne Sin. A nagi i puru lokovonga liu na tabeke tano ne Kades-Barnea, i vano i polotaroa a tanga e Hesron, i lokovonga i bele na tanga e Adar. Muri a nagi i kaogo lakea na tanga e Karka,

⁴ i vano i bele na tanga e Asmon, i ramaia a naru kiroko na nagi ne Egipto, i lokovonga i harena na Dari na Kurukuruna Malala. A nagi ne huriki a Iuda na tabeke mule puru i lobo vona a hini nga.

⁵ A nagi na malala na nirikena haro, ra Dari Mate, i vano i harena na ngutuna naru e Iordan. A nagi na tabeke mule sike i tubu na Dari Mate na ngutune Iordan,

⁶ i lakea na tanga e Bet-Hogla, i sike lokovonga na tanga e Bet-Araba, i lokovonga na hini i tabuli vona a kedo dagi e Bohan. Ra kedo iea ni vunu ramai e tune Reuben bakovi.

⁷ I tubu na maloku ne Akor, a nagi i lakea mai a tanga e Debir, muri i sike i kaogo, i lakea na tanga e Gilgal. Na tahuna o pesi o Gilgal bara o masia a bala ni ramai i sike na lolo na tanga e Adumim, na tabeke mule puru na maloku. A nagi i lakea mai a lomu ne En-Semes, i lokovonga, i polotaroa a lomu ne En-Rogel.

⁸ Muri a nagi i ramai a maloku ne tune Hinom bakovi na tabeke mule puru na tanga e Iebus, re Ierusalem. A nagi i sike maia a lolo, i pesi na harena maloku na Hinom na tabeke na nirolona haro. Ra lolo iea i pesi mule sike na robo ne huriki a Repaim.

⁹ A nagi i lakea mai a lomu ne Neptoa, i vano i bele na maka tanga tabukoi na lolo e Epron. A nagi i kaogo vonga, i lakea mai a tanga e Bala, a rana tara e Kiriat-Iearim.

¹⁰ Muri a nagi i kaogo lakea na tabeke na nirolona haro, i vano i bele na lolo e Seir, i sike na lolo e Iearim, a rana tara e Kesalon. A nagi i puru lakea na tanga e Bet-Semes i vano i polotaroa a tanga e Timna.

¹¹ Muri a nagi i lakea mai a lolo i pesi na tabeke mule sike na tanga e Ekron, i kaogo lakea na tanga e Sikeron, i polotaroa a lolo e Bala, i bele na tanga e Iapnel. Ra nagi iea i harena na dari.

¹² A nagi na malala ne huriki a Iuda na tabeke na nirolona haro, ra Dari na Kurukuruna Malala. E huriki a hamone Iuda ri made pololilo vona a nagi iea.

E Keleb i Bole e Hebron e Debir

¹³ Hosi e BAKOVI DAGI i takia e Iosua ge habia ne Keleb e tune Iepune a tabekena malala tara ne huriki a Iuda. E Iosua i ramaia a ngava ne BAKOVI DAGI i habia ne Keleb a tanga e Hebron, a rana tara e Kiriat-Arba. E Arba a hamone Anak.

¹⁴ I vonga o Hebron, e Keleb i lili tala a kabu ne Anak i tolu: e Sesai, e Ahiman, e Talmai.

¹⁵ Muri e Keleb i pea a tanga iea, i vano i vaubi ne huriki na tanga e Debir. Muga ni gale a tanga iea e Kiriat-Seper.

¹⁶ Lakea e Keleb i ta maea, “A bakovi i vaubi i bolea e Kiriat-Seper na vabinga, ge parangi vona e Aksa, e tugu a ngatavine.”

¹⁷ Lakea e Otniel, e tune Kenas a bakovi, e turane Keleb i bolea a tanga iea. Muri e Keleb i habia vona e Aksa, i parangi vona.

¹⁸ Na tahuna e Aksa i valai ne Otniel, e Aksa i ta tora ne Otniel ge nanea e Keleb, ge habia vona tara tabekena malala. Muri e Aksa i vano i masia e Keleb. Na tahuna e Aksa i page puru na donki vona e Keleb i nanea, “A ra o ngarua?”

¹⁹ Lakea e Aksa i takia e tamana i ta maea, “A ngaru ioe go habi tavulea nau tara maki. O habia nau pali a malala pololilo ne Negev na tabeke mule puru, pali i uka naru vona. Ngane o habi nau ranga lomu.” Lakea e Keleb i habi vona a lomu mule sike, a lomu mule puru.

A Maka Tanga na Kabu ne Iuda

²⁰ E huriki a hamone Iuda ri bole a malala nga ge ne ria. A kabu i taku i bolea vona a tabekena malala.

²¹ Na tabeke mule puru ne Negev na nagi ne Idom, e huriki a hamone Iuda ri bole a tanga nga: e Kapsel, e Eder, e Iagur,

²² e Kina, e Dimona, e Adada,

²³ e Kedes, e Hasor, e Itnan,

²⁴ e Sip, e Telem, e Bealot,

²⁵ e Hasor-Hadata, e Keriot-Herson a rana tara e Hasor,

²⁶ e Amam, e Sema, e Molada,

²⁷ e Hasar-Gada, e Hesmon, e Bet-Pelet,

²⁸ e Hasar-Sual, e Bersiba, e Bisiotia,

²⁹ e Bala, e Im, e Esem,

³⁰ e Eltolad, e Kesil, e Horma,

³¹ e Siklak, e Matmana, e Sansana,

³² e Lebaot, e Silhim, e Ain, e Rimon. Ra maka tanga dagi turana a maka tanga kiroko, na tabeke iea, ni gi palupu i ravulu rua a polona i polova.

³³ Na tabeke na nirolona haro na bila, a tanga ra nga: e Estaol, e Sora, e Asna,

³⁴ e Sanoa, e En-Ganim, e Tapua, e Enam,

³⁵ e Iarmut, e Adulam, e Soko, e Aseka,

³⁶ e Saraim, e Aditaim, e Gedera (a rana tara Gederotaim). A tabeke iea i tahoka a maka tanga dagi turana a maka tanga kiroko i ravulu a polona i va.

³⁷ A maka tanga ri pesi na tabeke na vahana lolo: e Senan, e Hadasa, e Migdal-Gad,

³⁸ e Dilean, e Mispa, e Ioktel,

³⁹ e Lakis, e Boskat, e Eklon,

⁴⁰ e Kabon, e Lamas, e Kitlis,

⁴¹ e Gederot, e Bet-Dagon, e Nama, e Makeda. A tabeke iea i tahoka a maka tanga dagi turana a maka tanga kiroko i ravulu a polona i polotara.

⁴² A tabeke na kurukuruna vahana lolo a tanga ra nga: e Lipna, e Eter, e Asan,

⁴³ e Ipta, e Asna, e Nesip,

⁴⁴ e Keila, e Aksib, e Maresa. A tabeke iea i tahoka a maka tanga dagi i polova turana a maka tanga kiroko ri pesi tabukoi ne ria.

⁴⁵ A tabeke tabukoi na dari a tanga ra nga: e Ekron turana a maka tanga kiroko,

⁴⁶ a maka tanga dagi a tanga kiroko ri pesi tabukoi ne Asdod, i tubu o Ekron i lakea na nirolona haro na dari na Kurukuruna Malala.

⁴⁷ E Asdod e Gasa turana a maka tanga dagi a tanga kiroko ri pesi tabukoi ne rua, i vano i harena na naru kiroko e Vadi, na nagi ne Egipto na tabeke mule puru, i vano i harena na Dari na Kurukuruna Malala, na nirolona haro.

⁴⁸ Na tabeke na kupona tanga ra nga. e Samir, e Iatir, e Soko,

⁴⁹ e Dana, e Kiriat-Sana, a rana tara e Debir,

⁵⁰ e Anab, e Estemoa, e Anim,

⁵¹ e Gosen, e Holon, e Gilo. A robo iea i tahoka a maka tanga dagi i ravulu a polona i taku, turana a maka tanga kiroko ri pesi tabukoi ne ria.

⁵² A maka tanga ri pesi na kupona ne Iuda ra nga: e Arab, e Duma, e Esan,

⁵³ e Ianim, e Bet-Tapua, e Apeka,

⁵⁴ e Humta, e Kiriat-Araba, a rana tara e Hebron, e Sior. A tabeke iea i tahoka a tanga dagi i polova, turana a maka tanga kiroko ri pesi tabukoi ne ria.

⁵⁵ A maka tanga ri pesi na tabeke tano na kupona ra nga: E Maon, e Karmel, e Sip, e Iuta,

⁵⁶ e Iesril, e Iokdeam, e Sanoa,

⁵⁷ e Kain, e Gibea, e Timna. A robo iea i tahoka a maka tanga dagi i ravulu, turana a maka tanga kiroko ri pesi tabukoi ne ria.

⁵⁸ A maka tanga ri pesi na kurukuruna kupona ne Iuda ra nga: e Halhul, e Bet-Sur, e Gedor,

⁵⁹ e Marat, e Bet-Anot, e Eltekon. A robo iea i tahoka a maka tanga dagi i polotara, turana a maka tanga kiroko ri pesi tabukoi ne ria.

⁶⁰ A tanga ru pesi na tabeke tara na kupona ra nga: e Kiriat-Bal, a rana tara e Kiriat-Iearim, e Raba. Ra tabeke iea i tahoka a tanga dagi i rua, turana a maka tanga kiroko.

⁶¹ A maka tanga ri pesi na tabeke i ngeki ra nga: e Bet-Araba, e Midin, e Sekaka,

⁶² e Nibsan, e Tanga-Mami, e En-Gedi. Ra tabeke iea i tahoka a tanga dagi i polotara, turana a maka tanga kiroko.

⁶³ Pali e huriki a Iuda i uka ma ri kara ni lili tala e huriki a Iebus, ra ri made o Ierusalem. E huriki a Iebus ri made turane huriki a Iuda i valai i harena mona.