A Vuhuna 5 - A Nitana Vure

E Huriki a Hamone Adam

¹ Iea a nitana kabu ne Adam ni here puru: Na tahuna a Vure i rata rike a bakovi, i ratea i manga ia.

² I rata rike a bakovi a ngatavine, muri i gamai rua. Na tahuna i rata rike rua, i vunu rua a “bakovi.”

³ Na tahuna e Adam i tahoka a pida i 130 i vakabelea e tuna a bakovi i manga ia. I vunua e Set.

⁴ Muri ne Set ni poda, ni poda tabu ranga e tuna a bakovi a ngatavine. Muri e Adam i tahoka tabu a pida i 800.

⁵ A pida ne Adam, ni gi palupu lobo, i 930, muri i mate.

⁶ E Set i tahoka a pida i 105 ngane, i vakabelea e Enos.

⁷ Muri ne Enos ni poda, e Set i tahoka tabu a pida i 807, i vakabele tabu ranga e tuna a bakovi a ngatavine.

⁸ A pida ne Set, ni gi palupu lobo, i 912, muri i mate.

⁹ Na tahuna e Enos i tahoka a pida i 90, i vakabelea e Kenan.

¹⁰ Muri ne Kenan ni poda, e Enos i tahoka tabu a pida i 815, i vakabele tabu ranga e tuna a bakovi a ngatavine.

¹¹ A pida ne Enos, ni gi palupu lobo i 905, muri i mate.

¹² Na tahuna e Kenan i tahoka a pida i 70, i vakabelea e Mahalale.

¹³ Muri ne Mahalale ni poda, e Kenan i tahoka tabu a pida i 840, i vakabele tabu ranga e tuna a bakovi a ngatavine.

¹⁴ A pida ne Kenan, ni gi palupu lobo, i 910, muri i mate.

¹⁵ Na tahuna e Mahalale i tahoka a pida i 65, i vakabelea e Iared.

¹⁶ Muri ne Iared ni poda, e Mahalale i tahoka tabu a pida i 830, i vakabele tabu ranga e tuna a bakovi a ngatavine.

¹⁷ A pida ne Mahalale ni gi palupu lobo, i 895, muri i mate.

¹⁸ Na tahuna e Iared i tahoka a pida i 162, i vakabelea e Enok.

¹⁹ Muri ne Enok ni poda, e Iared i tahoka tabu a pida i 800, i vakabele tabu ranga e tuna a bakovi a ngatavine.

²⁰ A pida ne Iared, ni gi palupu lobo, i 962, muri i mate.

²¹ Na tahuna e Enok i tahoka a pida i 65, i vakabelea e Metusela.

²² Muri ne Metusela ni poda, e Enok i laho turana Vure na pida i 300, i vakabele tabu ranga e tuna a bakovi a ngatavine.

²³ A pida ne Enok, ni gi palupu lobo, i 365.

²⁴ Muri a Vure i bolea e Enok, i uka ma ni matai tabu, a vuhuna a Vure i ngaru hatekea.

²⁵ Na tahuna e Metusela i tahoka a pida i 187, i vakabelea e Lamek.

²⁶ Muri ne Lamek ni poda, e Metusela i tahoka tabu a pida i 782, i vakabele tabu ranga e tuna a bakovi a ngatavine.

²⁷ A pida ne Metusela, ni gi palupu lobo, i 969, muri i mate.

²⁸ Na tahuna e Lamek i tahoka a pida i 182, i vakabelea e tuna a bakovi,

²⁹ i vunua e Noa. Lakea e tamana i ta maea, “Hosi e BAKOVI DAGI i rudurahea a malala, mi leho hateka mi bole a nimadihi, pali a koma iea bara i vakasihomo mia.”

³⁰ Muri ne Noa ni poda, e Lamek i tahoka tabu a pida i 595 i vakabele tabu ranga e tuna a bakovi a ngatavine.

³¹ A pida ne Lamek, ni gi palupu lobo, i 777, muri i mate.

³² Na tahuna e Noa i tahoka a pida i 500, ni gale e tamane Sem, e Ham, e Iapet.