Bìoball air-loidhne

Taytùs 3 - Ŋwàklù Fùyèn Kàn Mù Fê (Cameron)

Chyənà ye a ghɨt a bimena kəta hi tè chyə̂

¹ Wo yɨ̂ŋtè ha ghɨt gha na kə ghɨna hi ta nì tu ha ghɨt a tihena, nì ghe a ghɨ saka ghɨna; na ghɨna hi ywo, gbùtè hi tè nè a gha a jûŋà yû mù jɨ̀m.

² Jîsà na kə ghɨna hi jîsà a gha a be kum wùt, na ghɨna hi chyə nì yutìnì ghê ghɨt à jɨ̀m, bonê nâbi ha nde, fê fate ngumle hamok.

³ Yi mô ni beka nâbi ghàhnà ndùku boŋa jɨ̂ŋtèlò, ta nì tu, ghɨta lehe ghàhnà, ghàhnà mô wu kwôs a nki a gha a mbye à jɨ̀m nì fom ye a yi mô atɨ̂n. Ghàhnà chyə atɨ̂n à be, ghə̂kà à ghɨ̂t, ghɨta ke ghàhnà, ghɨ befa a ghɨna yi kə̀k, ghàhnà bânà à ghɨ̂t.

⁴ Biyani Yènfù, Bònhì ghàhnà, chwûtì banhi tôknànì nì kôŋì wuni ha ghàhnà,

⁵ bônhì ghàhnà, a bu kum gha yi jûŋì yile te ghàhnà ne. Fu bonhi ghàhnà kum kwohi seni wuni tohne a Yohnà Yulena. Fu ti su təm a ghàhnà, fo chyənà yì fê ha ghàhnà.

⁶ Yènfù ti fô Yohnà Yulena ha ghàhnà tohne a Jisòs Klistù Bònhì ghàhnà. Fu tà tì shihi fô hì ghə̂kà.

⁷ Yènfù tì ni ni shyəma ghàhnà hi mô chilichili, kum təm a wuna ghɨ jûŋà. Ni, ma ghàhnà hi khə hamok na ghàhnà bè kwotelò chyənà yê yì bè mê wi beka ghàhnà mò wana wuna.

⁸ Gha mi yîn a mu jìsà ni mò kə nâ hamok. Mu khɨŋa na wò fate yiki ghɨta kum a gha ghɨ̂n a mu jìsà ni, shyəma ghɨt a bimena hi lêmà təm a ghɨna hi tè fèt kə fêt tù jûŋ tù. A mô fêt mi tɨn a tu gâmtè ghɨt à jɨ̀m.

Lum te a ghɨt a bimena kəta hi tè chyə̂ atɨ̂n

⁹ Kə wò lye a gùfna, yi kəta wi tofu, hi taŋa kwok nì yet a be ghàhnà ghɨ shyə. Kə wò lyi yi njâŋ nì nô kum yi sâk. Gha mɨ ghɨ̂n mò a gha ngwòna gâmtè wi wùt yi gha yile.

¹⁰ Wùt ki bên nì jyàhì mɨ ghɨ̂n, wò kɨ̂n ha wûn hi tàn a ghan à bà, wù faŋ hi kwunâ, wo delò hi fê kəta wi gha yile hi nì nì wûn.

¹¹ Wò khə na nki yi wût mu wûn hì mô, kwâktì yi wuni bu chilichili, gha wuna ghɨ be chwûtè kə nâ na wù mò wut wù be.

Tobhî yi gokheni

¹² Mu ki faŋ hi tum a Atemàs ha wò, ma mu tum Tìkikùs. Wù ben nâbi wùni yu, wo mômhì hi bèn hi yen a mu a Nìkobolìs beka mu ti lem na mu nè faŋa kə afû mbɨ̀ŋ, hi tàn shyəma lɨ̀m ban.

¹³ Senàs a mô wut yì sâk nê shihi lò ghê Àbolòs, wo gâmtì hi fo nâbi ghə a ghɨna khɨŋa hi lò nì ghɨna.

¹⁴ Ghɨt a bimena kəta hi yikî hi tè nè gha a jûŋà, kəta mwə̀lû, gàmtè ghɨta atɨ̂n. Kə ghɨna hi fêtà fêt tu yimtu.

¹⁵ Ghɨt ghe a ghàh à ghɨna mò amok nâ à jɨ̀m jis na mu toŋti ha wò. Toŋti sun sahisu afâ, a mô ghɨt a bimena. Yènfù chwuti təm ghɨ jûŋà kə ha ghàn à jɨ̀m.

« Roimhe

Air adhart »

Lean sinn:

Ceanglaichean taic

Sanasan