Bìoball air-loidhne

Gokhini 5 - Ŋwàklù Fùyèn Kàn Mù Fê (Cameron)

Wâ Jyə̀ fwo a nyə̂

¹ Mu fî yen we a wù ndùku mô wu kpòk wu tu fə̀nù yâ, ma wù ti khɨti buk yi ŋwàklù a wun a kpen wu wo ta, ma ghɨ ti nyak atɨ̂n kə bâh wù jɨ̀m. À ndùku mô ni ma ghɨ ti le jwo tɨni nì le, luktu sàmba.

² Mu yen anjèl à Fùyèn yì chìk yìlè yi kəta a jyak, yì bwat jis na, “À mò nâ nde a wù kokne kpene hi bə̀h a le ghɨ̂n hi yèntì a ŋwàklù yìna agha?”

³ Biyani wùt hì bu a nyə̂, bu a chyə̂, bu yi lak yi ghɨt a kputena a wù ndùku mô hi bə̀h à ŋwàklù àtɨ̂n hi ke yen gha ye a yi mô a fùtɨ̂n àtɨ̂n.

⁴ Mu jî nâ haŋaŋ beka wùt ndùku kpene wi hi bə̀h a ŋwàklù atɨ̂n makə hi yena gha ye a yi mô a fùtɨ̂n àtɨ̂n.

⁵ Chəh yìlè ki jîs ha mu na kə mu fi jî beka bìkəm yì sah yi nda Judà, a mô wan a yi sah yi nda Defìt ti no yə̂, hì mô hi bə̀htì a le mu ghê a tu lùk afû sàmba hi yèntì ŋwàklù àtɨ̂n.

⁶ Mu yen Wâ Njyə̀ wu mò wu lùk afa a kpok wu tu fə̀nù mu we ndùku mô atɨ̂n, ma mwə̀ mù yòhna me mù kìk nì chəh se mbà jwòsù kìk a su jɨŋa kata Wâ Njyə̀. À mô ni Wâ Njyə̀ àtɨ̂n kə̂kà te ghɨ ti sê. Yi kəta sesu sàmba nì se sàmba, a mô yohnù Fùyènà sàmba te ghɨ tuma kə mbyî yì jɨ̀m.

⁷ Wâ Njyə̀ atɨ̂n yen fyi ŋwàklù àtɨ̂n a wùt we a wô a wù ndòko a wu kpòk wu tu fə̀nù yâ.

⁸ Kə wu yu te wù fye bena ni, mwə̀ mù yòhna mê mù kìk nì chəh se mbà njwòsù kìk fen a wun ashyə̂. Nâbi nde hì kəta yi luŋ nì kaŋa ma ghɨ fate nì gûl, nì leŋi atɨ̂n ma yi ti lûn. Leŋi tɨni ndùku mô jə̂m tu ghɨt a Fùyènà.

⁹ Ghɨna fî yem njàŋ yì fê, yi jîsà na: “Wò kpenalò hi fye ŋwàklù yìna, hi bə̀htì a le ghe a ghɨ mô atɨ̂n, beka ghɨ tì ywi wò, wò yun wu tu ghɨ̂t tù ma ghɨ fwu ben kə a sah a ndâ à jɨ̀m, jîsà tu jîs kə tù jɨ̀m, a mô à ghɨ̂t a tu lak tù jɨ̀m a mbyî, kə̂kà kə tù kə̂k tù jɨ̀m. Wò yun wu tu ghɨna nì luŋ mâ, wò kahi fo ghɨna ha Yènfù.

¹⁰ Wò ti nî na ghɨna hì mô yi sah yi nda ngàŋsù ndâ Fùyènsu, fê mô wana toka ha Yènfù ghàhnà fù. Ghɨna bê hi saka mbyî yìna.”

¹¹ Mu shihi kî, yen anjèlsù Fùyènsu, su dô chyâ kamsu, ghɨ bu hi taŋa khɨlî, te su time jɨŋa kata kpok wu tu fə̀nù wê, bakhe nì mwə̀ mù yòhna mù me mù kìk nì chəh sê.

¹² Ghɨna yema njàŋ nâ a jyə̂ yì tâ, jîsà na: “Wâ Njyə̀ we a ghɨ tì ywe kəta a jyak nì ghaki nì tofu nì ngumlînì nì ngaŋtînì, yi kpenê. Ghɨ kəta hi tè ngumle wûn, fo kokhînì ha wûn, fê bəmhe wûn!”

¹³ Mu ywo nâbi ghə ghe a ghɨ mô a nyə̂ nì a chyə̂ nì yi lak yi ghɨt a kputena nì a jwò yì chìk nâ nì mbyî yì jɨ̀m, yema njàŋ jîsà na: “Ha wûn we a wù mò wu kpòk wu tu fə̀nù mô kəbi Wâ Njyə̀, ghɨ kəta hi tè bəmhe wûn fê ngumle wûn, fo kokhînì ha wûn nì jyaka a yu mù jɨ̀m!”

¹⁴ Mwə̀ mù yòhna mù me mù kìk fîsì na, Àmèn! Chəh se fen a chyə̂ hì ngumle Yènfù ghê Wâ Njyə̀.

« Roimhe

Air adhart »

Lean sinn:

Ceanglaichean taic

Sanasan