SOOLLA 98 - Boy Lonana

Ŋgaagi jivira vi Lonara

¹ Soolla. Gagi soolla wilira maŋ Yawe, kay nam li dlara mbuɗ mbuɗta cocoo. Bikim ma njufna u kom halaŋ ki teteɗ, nam su kay tlena halaŋ.

² Yawe tak saɓak mamma kiyo, nam tak ɗegee mamba ki ii njaf suuna halaŋ.

³ Nam gi humba kay ɗegee mamba u gasi mamba, kay a wi hahaw suu Israelna. Ta ta hu vun ndaŋgara dodora, suuna wi saɓak ma vi Looyginana ki wa.

⁴ Agi suu kay ndaŋgarana halaŋ ŋgaagi Yawe, gagi soolla furira u tlesuu bura zeɗ zeɗ.

⁵ Geleɗegi Yawe u diŋŋa u bura agi bu dadarina lay.

⁶ U tokolomma lay, agi mba ŋgaagi Yawe, mulna vi tlena halaŋ.

⁷ Mbo lum ŋgolna zam u tlesuu dukumma lay, duliyara u suu cuki kaɗna lay.

⁸ Lumma lay ko kom may ɦinira sawalla furira may,

⁹ fok Yawe kay nam ka mbaya ni kay a kak mulna kay ndaŋgara, ti kay suuna u gasira, ti kay ndaŋgara u ɗegeera lay.