SOOLLA 93 - Boy Lonana

Yawe ni Mulna

¹ Yawe ni mulna, nam cukŋi baraw ma mulla, Yawe u saɓakŋa cuki egemu. Na daŋ may duliyara kak eŋga ni umu, va ma ŋgeneɗ kaɗi.

² Ay day ta ta cemi dlam maŋga mulla ka tini eŋ gak gak, ha ni na gak gak a fafaɗta aŋ kaa.

³ Yawe, mbo lumma ka soo, mbo lum ŋgolna ka so cocoo, mbo lum ŋgolna ka bilna lay.

⁴ Va ma ŋgol su mbo lum ŋgolna, su bil mbo ma kara lay, ma ŋgol cocona ni Yawe ma ka Kolo Dayna.

⁵ Gaɗ maŋga, ndaɗ ni gasi ka tew tew, va ma ka hu ziiŋŋa na ni teteɗta, Yawe ni li ma hin ha fokŋa lay.