SOOLLA 87 - Boy Lonana

Siyonni su njaf suuna halaŋ

¹ Soolla vi goryoŋ Korena. Lona min ziimma kolo kay ɦinira teteɗta

² Lona min vun grek ma Siyonna su zi ma vi Yakobma halaŋ.

³ Aŋ, ɦoŋzi ma vi Lonna, hum dlara mbuɗ mbuɗta asi daŋga kaŋga haa.

⁴ Lini an a ndum sem zi ma ka geleɗeŋŋa, ni an gi zi ma Egiptena u ma Babilonna duk may. Filistinna u suu Tirna u suu Etiyopina hoŋ taɓ ki hu Yerusalem dew.

⁵ Sa ndak a di ana suuna halaŋ col ay ni hu Siyon dew, ma ay Kolo Dayna ɦam saɓak namma ni namu.

⁶ Yawe, ɓii sem suuna halaŋ, taɓasi sesi u suu Yerusalemma dew.

⁷ Suu laki huna halaŋ ka luura, ka gi soolla, kay asi halaŋ ka u furira.