SOOLLA 84 - Boy Lonana

Soolla vi sa ma tuɗ koyra

¹ Soolla vi sa ma fok suu gi soollana, gaɗ u tlesuu luuna, soolla vi goryoŋ Korena.

² Ami miniŋ liiŋ ma kakŋa cocoo, Yawe, ma Saɓakŋa Kom Belna.

³ An ka miɗ ni u juɓpa min a kal hu Ziŋ Yawena. U tan halaŋ ka sawalla u furira fok Lo ma iirina.

⁴ Gor layɦiira lay fi zina kasiya, dlemerekka lay fi zi ma ndaɗ a gi sena huna tok eg givin ma togolla vi Yawe ma Saɓakŋa Kom Belna, mul manna, Loonna.

⁵ Furira ka kay suu cuk hu ziiŋŋana, Asi ka ŋgaaŋ tew tew.

⁶ Furira ka kay sa ma fi saɓak mamma ay egeŋŋa, nam gi tam voɗ ni u huu ma jivina.

⁷ Hu li ma asi cuk hu ɦuɗugumba yaɗ ana Baka ni asi fi mbona. Lona ma si jewna mbaarasi paɗvunna kasiya.

⁸ Asi ka tuɗ foko, saɓakasi ka ɦuɗ fok may, ta ta asi tuɗ wi Lona ki kay ɦinira Siyonda.

⁹ Ҥi, Yawe, Lo ma vi suu duunana, humun cen manda haa, tin humuŋ humunu, Lo ma vi Yakobma.

¹⁰ Ҥi, Lona, gol sa ma fokomi a mbari maminana, gol vok saaŋ ma Lona Fuurumma.

¹¹ Buu ma lam hu ziiŋŋa dewna su buu ma lam ki kiɗik bupma, an ŋgaɓ a kakŋi fun zi ma vi Loonnana su mayra buu hu zi ma vi suu bay ɗegeena.

¹² Na daŋ may, Yawe, Lona, ni faɗta, ni mbarina lay. Yawe, ɦal oora u bibiŋilla, nam ka hin jivira laɗ eg suu tuɗ hu jivirana kiɗi.

¹³ Yawe ma Saɓakŋa Kom Belna, furira ka kay sa ma hin tam kaŋŋa.