SOOLLA 82 - Boy Lonana

Kaɓak ma vi Lonna

¹ Soolla vi Azaf. Lona ay coli kolo huulona duk suu tokina, nam kaɓakŋa kay loogi suu ɦawana.

² Aŋ hin kaɓakŋa kay suu co asina ni saɓa tuge? Aŋ li suu li dla cora jivira tu na ni amege?

³ Kaɓak ma vi suu maŋina u suu kuyuna ki u voɗomu, di dlara ɗegeera ki kay suu hahawra u suu ka ndakiɗina.

⁴ Buɗ suu maŋina kiyo, u suu hawra, buɗusi ki ko suu ka lasasina.

⁵ Na may asi ka wiɗi, asi ka humbi lay, asi ka tuɗ ni duk ndufunda, duliyara halaŋ mbuɗ geŋeɗa.

⁶ An ndak di ana agi ni loogina, agi halaŋŋi suu vi Lo ma ay kolo dayna,

⁷ na lay agi miɗ ki ni ko suuna na may, agi ndi ki ga ko goryoŋ mulinana na may.

⁸ Col koloo Lona kaɓakŋa kay duliyara, kay aŋ dew ni Bu njaf suu ka hu ndaŋgarana halaŋ.