SOOLLA 8 - Boy Lonana

Bibiŋil Lonara u ŋgolla vi sanara

¹ Soolla vi sa ma fok suu gi soollana, soolla vi David, gaɗ u tlesuu luuna.

² Ҥi, Yawe, malamina, ko seŋ tii ŋgol kay yam mbassa halaŋ. Aŋ tin ŋgol maŋga ay kolo kay huulona halaŋ.

³ Kem gorira u suu fun pona ka gi soolla ŋgaaŋga. Aŋ tak saɓak maŋŋa ki kay suu babali maŋsina, kay a seŋ vun suu babali maŋsina.

⁴ Hu li ma an gol tlesuu kolo huulonana, ni sunda aŋ laɗ u bik koŋga, tilna, u ciciwra aŋ tinisi kolo huulona,

⁵ An joɓ tan ana, sa warna ni mege a humuŋ gaŋ kamba ni ge? Goŋ sana ni ge a aŋ tin saaraŋ kamba ge?

⁶ Aŋ lammi su tlena halaŋ, su kammi ni aŋ hol. Aŋ hin oyom u bibiŋil maŋga.

⁷ Aŋ ɦam mulla kay tlesuu aŋ lasina halaŋ, aŋ cukum tlena halaŋ kaŋga u saɓak mamma.

⁸ Timigiina, mbutlina, u yoorina halaŋ, u tlesuu ŋgoo bagina halaŋ.

⁹ Laygi suu pii kolona u kuluf ma hu lummana, u tlesuu tuɗ ga duk mbona halaŋ.

¹⁰ Ҥi, Yawe, malamina, ko seŋ tii ŋgol kay yam mbassa halaŋ.