SOOLLA 76 - Boy Lonana

Lona ni sa ma tina

¹ Soolla vi sa ma fok suu gi soollana, soolla vi Azaf gaɗ u diŋŋa.

² Suu hu njaf Yudana halaŋ wi Lona, sem yi ŋgol coco duk suu Israelna.

³ Mbutluɓ mamma ay pi hu Salem, liimma kakŋa ka hu Siyon.

⁴ Hu li namma nam kus mbuurura vi suu duuna ki wa, mbarina u ŋgewi masina lay.

⁵ Aŋ dlaŋ mbuɗ mbuɗ cocoo, Lona dlaŋ mbuɗ cocoo. Hu li ma aŋ su kay suu duuna, ay ki ga kay ɦinira dlaaŋga su kiyo.

⁶ Aŋ ɓaɗ tlesuu vi suu duuna ki halaŋ, cemi asi buu ni sen ma ka dliɗɗina, va ka kosi oloɗi, asi mbuɗ ki maŋiya.

⁷ Hu li ma aŋ su kasina, Lona vi Yakob, kulumi masisina u suu fuli kasina puk gaa, miɗ kiyo.

⁸ Gasi aŋ ndaki a sa laŋ ndaaraŋu, lini huruŋ ɓeŋ wa ni sa ma ndak a col fokoŋŋa ni gege?

⁹ Aŋ ay kaki kolo huulona ka kaɓakŋa aya, duliyara li ndaana, seŋ yerek yerek.

¹⁰ Lona hin col kolo a kaɓakŋa ni saɓage? A hin suɗ suu maŋina ki hu ndaŋgara tanira ni saɓage?

¹¹ Yara vi suu warna lay ka takaŋ ki ni bibiŋil maŋga, suu suɗ ay ki fun duunana ka furiya.

¹² Dlara agi vi vunugi kaɗ a laɗ maŋ Yawe, agi laɗu, ɦagi tlena ay maŋ Lona ma dlam mbuɗ mbuɗtana, agi suu ŋguyumma halaŋ.

¹³ Lona nam saɓak cocoo. Nam ci goryoŋ mulinana kiyo, mulina halaŋ nam mbuɗusi ki ndaana.