SOOLLA 75 - Boy Lonana

Lona ni sa ma kaɓakŋa

¹ Soolla vi sa ma fok suu gi soollana, ɓalak va kiɗi, soolla vi Azaf.

² Ami ka geleɗeŋu, Lona, ami geleɗeŋu, kay seŋ ka tok egemiya, dlara mbuɗ mbuɗta aŋ laɗta ka tak ki kaŋu.

³ Lona di ana lini liin ma an ŋgaamma ndak wa ni, an kaɓakŋa ni u ɗegeera.

⁴ Ndaŋgara hin yoo ki u suu cuki kaɗna halaŋ, anni ka sa ma coloɗ eŋŋaɗi su?

⁵ An di suu ŋga tasina asi ŋga tasi oloɗi, maŋ suu cona ka asi yow kolo duuna oloɗi lay.

⁶ Ka asi tli tasi kolo cocoɗi, ka asi ɓakan sen co oloɗi lay.

⁷ Ҥawaa, sa ka col ay u maɗiina, u fiɗiginaɗi lay, ka col ay ŋgoo bagi hu fullaɗi lay.

⁸ Lona hin kaɓakŋa ni nam dew, nam hoŋ maa ki ga dew, col maa kolo dew may.

⁹ Yawe mba u kopma komu, nam vo sum ma dlay ma yara gaa, nam ɦam huu suu li dla cora, asi hin cam ki u duduɓpa halaŋ.

¹⁰ An may ni an ka di ki gak gak, an gi soolla ŋga Lo ma vi Yakobma.

¹¹ An hin su kay suu cona halaŋ, duu ma vi suu ɗegeena hin col kolo may.