SOOLLA 70 - Boy Lonana

Cenda kay njunda

¹ Soolla vi sa ma fok suu gi soollana, soolla vi David kay gi humba.

² Ҥi, Lona, mbay buɗun kiyo. Yawe mbay zak njun unu.

³ Suu halan a can kina mbuɗ zolona, ko asi hoŋ dagan u zolona, suu hal ana hahawra mba kanuna.

⁴ Ko asi hoŋ u nek zolo masina kasiya, ni suu ka san un ana, «Ha! Ha!» na.

⁵ Ko asi mbuɗ furi ni kaŋ na ɗow, suu ka halaŋŋa di tew tew ana, «Lona nam ŋgol cocoo.» Ni suu min a aŋ suɗusi kina.

⁶ An ki hawi, sa ka ŋgaanɗi, Lona mbay egen na zak. Aŋŋi sa ma njun kanna, aŋŋi sa ma njun unna, Ni sa ma buɗun kina, Yawe vi yaŋ ayɗi.