SOOLLA 67 - Boy Lonana

Suuna halaŋ ŋga Lona

¹ Soolla vi sa ma fok suu gi soollana, soolla gaɗ u diŋŋa.

² Lona, wami hahawamiya, paɗ vunuŋ ki kamiya, ko nam tak kiɗik mamba dukuygiya.

³ Kay ana suu hu ndaŋgarana waŋ voɗ maŋga, a duk suu ɦawana lay wi suɗ maŋga.

⁴ Ko suuna halaŋ gaŋ deɓpa, Lona! Ko asi halaŋ gaŋ deɓpa ko tasi dew!

⁵ Ko njaf suuna gi soolla furira, kay aŋ kak mulna kay suuna ni u ɗegeera, kay ndaŋgara halaŋ aŋ ka gol suuna ni aŋu.

⁶ Ko suuna halaŋ gaŋ deɓpa, Lona! Ko asi halaŋ gaŋ deɓpa ko tasi dew!

⁷ Ndaŋgara ɦal tlesuu tira wa, Lona, Looygina, paɗ vunum ki kaygi wa.

⁸ Ko Lona paɗ vunum ki kaya, ko suu hu duliyarana halaŋ lam ndaaramu.