SOOLLA 63 - Boy Lonana

Jivi Lonara su iirira

¹ Soolla vi David hu li ma nam pii ki ŋgoo bagi hu fulla Yudara.

² Lona, aŋŋi Loonna, maɗii feɗet ni an ka halaŋu, ŋgus manda ka halaŋu, tliwin ka loɓmi kaŋu, an ka ki duk gura, say ki wa, laara can lay.

³ Ko ndaɗta na, hu li ma an waŋ ay hu li ma ɓivunna, an waŋ saɓak maŋŋa u bibiŋil maŋga.

⁴ Na daŋ may ɗegee maŋga dlaɗ ŋgol su iirira, vunun ka geleɗeŋŋi aŋu.

⁵ Ni an min gaŋ deɓpa hu li ma an ka iiri tuna halaŋ, an yow kon kolo ni u seŋu.

⁶ Ko ndal mbulna na hayan hoɓ wa, vunun u furira cocoo, an gi soolla geleɗeŋga tew tew.

⁷ Kay lay man ma buuna an saa ni kaŋu, an yow lina coco a ceneŋga.

⁸ Kay aŋŋi sa ma njunun ayna, an ka furiya kay aŋ gi garaŋaŋ kanu.

⁹ An njun tan egeŋ u hurun halaŋ, koŋ ma njufna ka van koloo.

¹⁰ Suu halan iiri mandana, hin ba kiyo, asi sel kaŋga duk ndaŋgara, hu zulla uɗ ka doɗira.

¹¹ Suuna casi ki u ŋgewina, tasi hin ki ni maŋ bayakka ŋgoo bagira.

¹² Mulna hin furi coco kay Lona, gegelay ma suu tam u semma hin furiya, kay hu li namma vun suu kaboyna hin duga.