SOOLLA 61 - Boy Lonana

Cenda vi sa ma ha ki ŋgayrana

¹ Soolla vi sa ma fok suu gi soollana, soolla vi David, gaɗ u diŋŋa.

² Ҥi, Lona, humun tii manna, tin humuŋu, jeɓeeren cen manda.

³ Ay hu vun ndaŋgara dodora an yaŋŋi aŋu, hu li ma vun dikin ka ɓiginna. Kolo kay ɦinira fiyek cocora, aŋ tuɗun ki huwa.

⁴ Kay aŋŋi sa ma an ŋgay tan egeŋŋa, aŋŋi gulumun ma ŋguy kanna.

⁵ An min kak hu ziiŋŋa na gak gak, an min ŋgay tan u garaŋaŋu.

⁶ Aŋ Lona humun vi vun manna wa, ɦal jona maŋ suu laŋ ndaaraŋŋa.

⁷ Ҥuɗ buu ma vi mulnana foko, ko basa mamba kay ndaŋgara tuɗ ta ta su kissa.

⁸ Ko nam li kaki ni fok Lona tew tew, ko ɗegeera u gasi maŋga golomu.

⁹ Kay ndaɗta an geleɗeŋ hu buuna tew tew, kay a li dlara an vi vunun kaɗta ki hu buuna halaŋ.