SOOLLA 6 - Boy Lonana

Cenda hu li ma lassa faŋŋa

¹ Soolla vi sa ma fok suu gi soollana, soolla vi David gaɗ u diŋ ma zewem kalavandina.

² Yawe, u huruŋ ma ɓeŋŋa, kaan ɓakŋa kanɗi, gaɗan u huruŋ ma yaraɗi.

³ Wan hahawanu, Yawe, kay anni sa ma maŋina, garaɗan kiyo, Yawe, kay sokon muɗun cocoo.

⁴ Ŋgus manda yoo coco, aŋ, Yawe, hin mbay egenni saɓage?

⁵ Hoŋ aya, Yawe, suɗun ŋgus manda kiyo. Suɗun kiyo kay jivi maŋga.

⁶ Kay ha duk suu miɗina sa ma saa kaŋ ka oloɗi. Sa ma hin geleɗeŋ ha duk suu miɗina ni gege?

⁷ An oy cocoo saɓakan daɓ ki wa. Hu njeŋgera yam lay manna laɓ ki u simina.

⁸ Irin mbuɗ saran ko simina, irin mbuɗ ki maŋi ko suu ka duu u anna.

⁹ Ҥuɗugi ha ki egen day agi suu li dla cora, kay Yawe humun tii mana wa.

¹⁰ Yawe humun cen manda wa, Yawe van cen manda wa.

¹¹ Suu babali mansina halaŋ hin mbuɗ zolona. Asi hin mbuɗ dlaka, asi hin hoŋ ki dagani, cecemi asi mbuɗ zolona.