SOOLLA 54 - Boy Lonana

Cenda vi sa ma ka lasna

¹ Soolla vi sa ma fok suu gi soollana, soolla haɗta vi David, gaɗ u diŋŋa.

² Ni hu li ma suu Zifna tuɗ eg Sol dam ana, «David ha ŋgay varamiya na.»

³ Ҥi, Lona, suɗun ki u saɓak maŋŋa, mbuɗun boy manna ki ɗegee u eŋ maŋga.

⁴ Ҥi, Lona, humun cen manda, tin humuŋu, hum boy ma kal ha ki fununna.

⁵ Kay suu koygina yow kolo egen wa, asi suu ci maɗna halanni iiri manda. Asi ka caa yasi kay Lonaɗi.

⁶ Na may Lona ni sa ma njununna, Bu Suuna ka u suu njun kanna.

⁷ Nam hoŋ cora maŋ suu ka lasanna, u ɗegee maŋga aŋ daɓasi kiyo.

⁸ U huu ma jivina an laŋ ɓivunna, Yawe an geleɗeŋŋi seŋu kay seŋ jivi ɦay.

⁹ Nam buɗun ay ki duk lassa halaŋ, an wi ɓalakka vi suu babali mansina ki u irin wa.