SOOLLA 53 - Boy Lonana

Cora vi Suunara

¹ Soolla vi sa ma fok suu gi soollana, soolla haɗta vi David, gaɗ u diffa.

² Sa ma laɓana saa hurum ana, Lona kaɗi, asi ki ɓalakiya, mbuɗ ki coo, sa ma li va ma jiv kaɗi.

³ Lona ma ay kolona ka gol suu warna aya, a wi ana fi sa ma ɗegee dukusi dew su? Fi sa ma hal Lona su?

⁴ Asi halaŋ ki viɗiya, taɓi hu dla cora, sa ma li va ma jiv kaɗi, dew lay kaɗi.

⁵ Bu Suuna joɓ tam ana, «Suu li dla cora asina, suu ɦurumun tlena ki ko suu mansinana halaŋŋi yasi kaɗi su? Asi ka goɓonɗi lay.»

⁶ Asi halaŋ mbuɗ ki ndaana, li ni dlara ndaa kaɗi lay. Suu duu asina Lona njayasi sokosi ki na dew dew, aŋ panasiya kay Lona zuɗusi ki wa.

⁷ Ay hu Siyon day, nam ɦal saɓakŋa ay maŋ Israel. Hu li ma nam hoŋosi ay vona, Yakob furiya, Israel ka hu ayra.