SOOLLA 5 - Boy Lonana

Cen Lona kay nam ŋgomoŋu

¹ Soolla vi sa ma fok suu gi soollana, soolla vi David, gaɗ u diffa.

² Yawe humun boy manna haa, humun oy manda haa.

³ Tin humuŋ kay yira an ka yaŋga, mul manna u Loonna, an ceneŋ ha ni aŋu.

⁴ Yawe, maɗii ni aŋ humun delenu. Maɗii ni an tak tanni maŋu, an ka juɓa.

⁵ Aŋŋi ka Lo ma tin yaŋ kay dla coraɗi, dla cora ka kal ay egeŋ na tokgi.

⁶ Suu ŋga tasina ka col fok Lonaɗi. Aŋ ka ŋgaf u suu las ndarayasinaɗi.

⁷ Aŋ ba suu kaboyna kiyo. Yawe mbuɗ yara eg sa ma ci maɗna, u sa ma hurum mbambana.

⁸ An may ni, an fi voɗta a kal hu ziiŋŋi u oo maŋga ŋgolla. U ndaa ma an lam uŋŋa, an goɓ kaŋga fok ziiŋga teteɗta.

⁹ Yawe tuɗun hu ɗegee maŋga kay suu babali mansina. Minin voɗ maŋga ki fokonu.

¹⁰ Suu asina dlara jiv ka funusiɗi, hurusi ni dlara ɓalak suuna kira. Delesi ni ko vun zul suuna ki malira na, sinisi di dlara ganyamba cocoo.

¹¹ Ҥi, Lona, golosi ko suu ɓakŋa vasi kina na. Dlaasira asi ŋgaɓaɗta cukusi ki kaŋga wa. Aŋ cukusi kiyo kay ci maɗ masi ma ka ndumbina, kay asi duu ni u aŋ taŋga.

¹² Na may suu ŋgay tasi egeŋŋa halaŋ hin furiya, asi ka furi hu buuna tew tew, kay aŋ ŋgayasiya. Suu miniŋŋa halaŋ ka furi ni kaŋu.

¹³ Kay aŋ, Yawe, paɗ vunuŋ ki kay suu ɗegeena, aŋ kuluɓ oo maŋga ki kasi ko mbarina na.