SOOLLA 43 - Boy Lonana

Cenda kay kak hu suɗta

¹ Ҥi, Lona, mbuɗun boy manna ki ɗegee, golon ko njaf suu ka wi Lonaɗina. Suɗun ki ko suu kaboyna u suu kulla.

² Lona, aŋŋi ɦoŋziin ma saɓakŋa, aŋ hinin ki ni kay mege? An poy u yoora na ni kay mege? Aŋ hin suu babali mansina lasan na ni amege?

³ Sun kiɗik maŋga u gasi maŋga mbay takan voɗta, a tewen ki kolo kay ɦini maŋga teteɗta, hu liiŋ ma buuna.

⁴ An tew ki hu givin ma togolla vi Lona, vi Lona an luu luu ma furira. Ҥi, Lona, an geleɗ Lona u diŋŋa, Loonna.

⁵ Ŋgus manda va ma ndak a fam hu tiinana ni mege? Ndak yoo takŋi kay mege? Saa ni kay Lona na ɗow. Na daŋ may, an hin ŋgaam olo, nammi sa ma suɗunna, ni Loonna.