SOOLLA 4 - Boy Lonana

Cenda Fiɗigira

¹ Soolla vi sa ma fok suu gi soollana, soolla vi David, gaɗ u diŋŋa.

² Hu li ma an ka yi koloo ni humunu, Loonna, mbuɗun ɗegee. Hu yoo manda aŋ ɗilin irin wa, lan oora kanu, humun cen manda.

³ Agi suu warna hin hinigi ŋgulla ŋgulunda ni saɓage? Agi hin hinigi dlara dadamba kini saɓage? Agi hin hinigi kaboyna kini saɓage?

⁴ Agi wi ki ana Yawe man saam ma ɗegeena ki wa. Hu li ma an ka yi koloo ni Yawe humunu.

⁵ Lini agi li yaa ni lagi sulukgi. Saaragi hurugi kurufu kay liigi ma buuna, lakagi en.

⁶ Lagi ɓivun ma ɗegeena, ɦagi tagi maŋ Yawe.

⁷ Suuna ŋgolo di ana, «Sa ma hin a ɦami jivira ni gege?» Ҥi, Yawe, li kiɗik maŋga ay kamiya.

⁸ Aŋ oyon u furira su suu feɗ waasina, u li sum veŋ masina ay vona.

⁹ Hu li ma an buu gana an buu senna u heɓpa, kay aŋ Yawe hinin kaki u heɓpa.