SOOLLA 3 - Boy Lonana

Cenda Maɗiira

¹ Soolla vi David hu li ma nam pii ki ko goromma, Absalomma.

² Yawe suu babali mansina zuli cocoo, suu hal a duu u anna zuli cocoo.

³ Suuna ŋgolo njaɗ kan ana, «Suɗta ka kam fok Lona oloɗi.»

⁴ Na may Aŋ, Yawe, aŋŋi mbari manna, aŋŋi bibiŋil manda, aŋ tlan yan koloo.

⁵ U delenda eŋga an yi Yawe koloo, nam hoŋon dira ay kolo, kay ɦini mamba teteɗta.

⁶ An buu gaa an buu senna, an dliɗ ki koloo kay Yawe ka njununu.

⁷ An ka li ndaa suu bup bup, suu ŋguyun yan ki wannaɗi.

⁸ Col koloo, Yawe, suɗun kiyo, Loonna. Kay aŋ ci kiriŋ suu gonok mansina halaŋ, aŋ to sii suu hurusi cona kiyo.

⁹ Suɗta ni vi Yawe, ko paɗvun maŋŋa li kay suu maŋsina.