SOOLLA 28 - Boy Lonana

Cenda kay njunda u gi deɓpa

¹ Soolla vi David. Yawe an yaŋ ha ni aŋu, ɦini manna, ŋgel humuŋ ki egenɗi. Lini aŋ ka humunɗi ni, anni ko suu miɗina na.

² Humun cen manda hu li ma an yaŋ a aŋ njununna, hu li ma an yow kon ha kolo eg ziiŋ ma teteɗna.

³ Taɓan ɓak manna u suu li dla coraɗi, u suu ci maɗnaɗi lay. Hu vunusiya asi ɓak dla heɓpa, hurusi kurufu ni saara ci maɗna may.

⁴ Kaasi ɓak masina u sun masira cora, hoŋosi dla coosira asi laɗta ha kasiya.

⁵ Asi ka saa kay sunda Yawe laɗ u bik kombaɗi, kay ndaɗta nam cukusi ki ga halaŋ, sa ma col kolo kaɗi.

⁶ Gi deɓ Yawe, kay nam humun cen manda wa.

⁷ Yawe ni sa ma golonna, nammi mbari manna, hurun tini ni kam dew, nam njunun wa. An ŋgaam u hurun halaŋ, an gam deɓpa u soolla.

⁸ Yawe ni saɓak suu mamsina, ɦoŋzi ma saɓakŋa ma suɗ saam ma Lona Fuurumma.

⁹ Suɗ suu maŋsina kiyo, paɗ vunuŋ ki kay suu maŋsina. Golosi ko sa ma taa yoorina na, njunusi ha na gak gak a fafaɗta.