SOOLLA 24 - Boy Lonana

Mul ma suuna ŋgaamma

¹ Soolla vi David. Yawe, duliyara u tlesuu huruɗna halaŋŋi maŋsina, ndaŋgara u suu kaɗna halaŋ.

² Nam tin ndaŋgara kolo kay mbo ŋgolna, nam ka vaɗ kolo eŋga ni nam lay.

³ Sa ma ndak a ɗiŋ kolo kay ɦinira vi Yawe ni gege? Sa ma hin col hu liim ma teteɗna ni gege?

⁴ Ni sa ma kom u hurum lay ki teteɗna, ni ma ka maɗ kom a li dla coɗina, ka suu tam suura ganyambi lay.

⁵ Sa namma Yawe paɗ vunum ki kamu, nam fi ɗegeera fok Loomma.

⁶ Suu ko sa namma nana ni suu hal Yawena. Mbaagi aya suu goɓ Lo ma Yakob manamma.

⁷ Vun ma dugi kolo jew dayna, mal kiyo, hin mul ma bibiŋilna kal kalafiya.

⁸ Mul ma bibiŋil namma ni gege? Ni Yawe ma Saɓakŋa Kom Belna, ni Yawe ma su kay suu duuna halaŋŋa.

⁹ Vun ma dugi kolo jew dayna mal kiyo, hin mul ma bibiŋilna kal kalafiya.

¹⁰ Mul ma bibiŋil namma ni gege? Ni Yawe ma Saɓakŋa Kom Belna, nammi mul ma bibiŋilna.