SOOLLA 15 - Boy Lonana

Sa ma kaki ko tam u Lonna

¹ Soolla vi David. Yawe, sa ma kak hu ziiŋ ma teteɗna ni gege? Sa ma kak kay ɦini maŋga teteɗta ni gege?

² Ni sa ma tuɗ u voɗta vi Lonara, sa ma li dlara huu Lona miniɗta, ni sa ma di gasira col ay hurum dayna lay.

³ Ni sa ma ka tum u saɗina, nam ka li dla co eg ndaram ma vok zinaɗi, nam ka ŋgul ndarambi.

⁴ Nam ka li bana u sa ma Lona hinim kinaɗi, nam saa ni kay suu ɗegee suu li ndaa Yawena. Nam vi vunum kay dla wa ni nam laɗ ki mbee, lini dla ndaɗta a tam tam lay.

⁵ Nam ka ndi gursu mamba ki u mboɗi. Nam ka vi gursu ko sa a mbuɗ ɓak ma vi sa ma ɗegeena ki coɗi. Sa ma li nana ka ndi ki ga hu dlaɗi.