SOOLLA 149 - Boy Lonana

Suu Israelna ŋga Lona

¹ Halleluya! Gagi soolla wilira maŋ Yawe, gagi soolla ŋgaamba hu tokka vi suu ɗegeena.

² Ko suu Israelna furi kay sa ma lasina, ko goryoŋ Siyonna li luu ma vi mul masinana.

³ Ko asi ŋgaam sem u njoŋŋa, asi bu diŋŋa u dadarina.

⁴ Kay Yawe njun kay suu mamsina, suu hoŋ yasi gana nam ɦasi saɓakŋa.

⁵ Ko suu ɗegeena furiya, geleɗem bibiŋil mamba, ay hu liisi ma buuna lay, asi gi soolla furira.

⁶ Geleɗegi Lona u delegi kolo halaŋ, yowogi ŋgew ma siim jakŋa kogiya.

⁷ Sa sukulugi ma suuna lasagina kaɓakŋa kay suuna,

⁸ ɓalasi muli masisina ga u yarina, njunusi suu ŋgolo masisina ga u kawina.

⁹ Asi kaasi ɓakŋa kasi ko ɓiiri hu magaarara na, ni na suu li ndaa Lonana su kay suuna wa. Halleluya!