SOOLLA 146 - Boy Lonana

Ŋga Sunda Lona laɗta

¹ Halleluya! An gi deɓ Yawe.

² An gi deɓ Yawe hu li ma an ka iiri tuna halaŋ. Buu man ma hin kay ndaŋgarana halaŋ an ŋga ni Lo manna.

³ Tin saa magira kay suu ŋgolonaɗi, kay suu ka ndak a suɗugi kiɗi naɗi lay,

⁴ musuk masira hin kal ki lay, asi hin hoŋ ki duk ndaŋgara, hu buu namma ni sun masira bulum ki halaŋ.

⁵ Furira ka kay sa ma Loŋ Yakobma ka njunumma u sa ma tin saa mamba kay Yawe, Loommana.

⁶ Nammi sa ma li huulona u ndaŋgarana, li mbo lum ŋgolna u tlesuu dukumma halaŋ, nammi ma din dinna, ni ma ka gol gasirana.

⁷ Nam li jivira kay suu ka lasna, nam ɦal tina maŋ suu mayra casina, Yawe buɗ suu hu daŋgaynana kiyo.

⁸ Yawe mal ii suu dugina kiyo, Yawe col suu daɓ sesina ki koloo, Yawe min suu ɗegeena.

⁹ Yawe ka gol suu poy kolona, nam njun suu kuyuna u boyogi suu donora, may suu hurusi cona nam viɗisi kiyo.

¹⁰ Yawe kaki mulna ni na din din. Nammi Looŋŋa aŋ zi ma Siyonna, ni na gak gak a fafaɗta. Halleluya!