SOOLLA 142 - Boy Lonana

Cenda kay njunda

¹ Cenda vi David hu li ma nam ay ki ŋgoo hu zul ɦinirana.

² An tli delen kolo eŋga eg Yawe, u delen kolo eŋga an cen Yawe.

³ An mba sek manda ni fokomu, an tak hahaw manda ni fokomu.

⁴ Hu li ma musukun hin tok a kal kira, aŋŋi sa ma wi li ma an tuɗ huna. Aŋ wi voɗta an tuɗ hura, asi gunun dawna ki fokonu.

⁵ Gol iriŋ bik njufu, sa ma wan ay kaɗi, li ma an ŋgay tan hu kaɗi, sa ma caa yam kay iiri manda kaɗi lay.

⁶ An sawalla ha ni maŋu, Yawe, ana, «Aŋŋi sa ma suɗunna, ɓorow manna hu lina vi suu iirina.»

⁷ Tin humuŋu, humun tii manna, kay an ki maŋi cocoo. Buɗun ki ko suu lasanna kay asi saɓak suunu.

⁸ Kalan ay ki hu daŋgay manna kay a an geleɗeŋ seŋu. Suu ɗegeena ŋguy ki kanu, hu li ma aŋ lan jivirana.