SOOLLA 136 - Boy Lonana

Gi deɓ maŋ sa ma suɗta vi suu Israelna

¹ Geleɗegi Yawe, kay nam jiviya, ɗegee mamba ka ni na gak gak.

² Geleɗegi Lo ma kay looginana kay ɗegee mamba ka ni na gak gak.

³ Geleɗegi Bu Suuna vi suu ŋgolona kay ɗegee mamba ka ni na gak gak.

⁴ Nam dew ni sa ma li dlara mbuɗ mbuɗta kay ɗegee mamba ka ni na gak gak.

⁵ Nam li huulona ni u yal mamma kay ɗegee mamba ka ni na gak gak.

⁶ Nam col ndaŋgara kolo eŋ kay mbona kay ɗegee mamba ka ni na gak gak.

⁷ Nam li kiɗikŋa halaŋŋi namu kay ɗegee mamba ka ni na gak gak.

⁸ Faɗta ka ŋga buuna halaŋ kay ɗegee mamba ka ni na gak gak.

⁹ Tilna u ciciwra ka ŋga njeŋgera kay ɗegee mamba ka ni na gak gak.

¹⁰ Nam ci gor suu ŋgolo suu Egiptena kiyo kay ɗegee mamba ka ni na gak gak,

¹¹ nam cuk suu Israelna ay kiyo kay ɗegee mamba ka ni na gak gak.

¹² Kom saɓak cocoo, bikim fiyek lay kay ɗegee mamba ka ni na gak gak.

¹³ Nam ɓorow mbo Lum ma Cerewna kiyo kay ɗegee mamba ka ni na gak gak,

¹⁴ nam hin suu Israelna jak duk gayra kay ɗegee mamba ka ni na gak gak,

¹⁵ nam ba Faraw u suu duu mamsina ki duk mbo lum ma Cerewna kay ɗegee mamba ka ni na gak gak.

¹⁶ Nam tin suu mamsina ki ŋgoo bagi hu fulla kay ɗegee mamba ka ni na gak gak.

¹⁷ Nam ci muli suu ŋgolona kiyo kay ɗegee mamba ka ni na gak gak.

¹⁸ Nam ci muli suu dlasi ŋgolona kiyo kay ɗegee mamba ka ni na gak gak,

¹⁹ Sihon, mul ma Amoreenna, kay ɗegee mamba ka ni na gak gak.

²⁰ Og, mul ma Basanna, kay ɗegee mamba ka ni na gak gak.

²¹ Nam ɦaygi mbas masira ki a jona kay ɗegee mamba ka ni na gak gak.

²² Haɗ ki maŋ suu Israelna ni suu sun mamsina kay ɗegee mamba ka ni na gak gak.

²³ Hu li ma ay coli gana humum gam kaya kay ɗegee mamba ka ni na gak gak,

²⁴ nam suɗuygi ki ko suu babali maysina kay ɗegee mamba ka ni na gak gak.

²⁵ Nam ɦal tina maŋ tlesuu nam lasina halaŋ, kay ɗegee mamba ka ni na gak gak.

²⁶ Gagi deɓ maŋ Lo ma kolona, kay ɗegee mamba ka ni na gak gak.