SOOLLA 130 - Boy Lonana

Cenda hu li ma aŋ ka hu yoora ŋgolla

¹ Soolla suu tuɗ luu ma vi Lonna gaɗta. Yawe, hu wihawra ŋgolla lay an ka yaŋu.

² Bu Suuna humun delen haa, tin humuŋ ay humunu, jeɓeeren delen ha jiviya, humun cen manda haa.

³ Lini aŋ a ndummi cora ni, Yawe, sa ma hin kak iirina ni gege?

⁴ May aŋ tin vaɗ huuna kay suuna, kay ndaɗta asi hin laŋ ndaaraŋu.

⁵ An ka juɓmi Yawe, an ka juɓum u hurun halaŋ, an tin saaranni kay boy mamma.

⁶ Iiri manda hal ni Bu Suuna, su sa ma ka juɓ u zina ta ta fo linna, su sa ma juɓ ta ta fo linna.

⁷ Agi suu Israelna tin saa magira kay Yawe, kay Yawe ni sa ma li oora kay suuna, nam ndaki a suɗ suuna ki halaŋ.

⁸ Nammi sa ma buɗ suu Israelna ay ki hu dla coosira halaŋŋa.