SOOLLA 13 - Boy Lonana

Yi Lona kay ŋgay egemu

¹ Soolla vi sa ma fok suu gi soollana, soolla vi David.

² Yawe, humuŋ maa ki kan na gak gakŋi nanage? Aŋ hin mbuɗ iriŋ ay kan a golonda ni saɓage?

³ An kak u yoora gak gak tew ara na gage? Hu buuna halaŋ, hurun ka yoo tew tew, suu babali mansina su kan gak gakŋi nanage?

⁴ Gola, hoŋon dira, Yawe, Loonna. Malan irin kiyo, hinin a kal hu miɗnaɗi.

⁵ Hin a suu babali mansina di kan ana, asi su kan wa naɗi. Hinin a an puk ga fokosi, a asi ŋga tasi kanɗi.

⁶ An may ni tin saa manda ni kay jivi maŋga dew, hurun furi cocoo kay aŋ suɗun ki wa, an gi soolla ŋga Yawe kay nam lan jiviya.