SOOLLA 128 - Boy Lonana

Warak ma vi sa ma li ndaa Yawena

¹ Soolla suu tuɗ luu ma vi Lonna gaɗta. Furira ka kay suu li ndaa Yawena, u suu tuɗ hu voɗ mambana halaŋ.

² Aŋ sa ma fi tiiŋŋa u saɓakaŋŋa furira ka kaŋu. Aŋŋi sa ma fi jivirana.

³ Caaŋga voni ko ndal gu ma vuɗ tew tewna na vo hu ziiŋu, goryoŋŋi ko ndal gu cono ma coli keŋ tabul maŋgana na.

⁴ Gola sa ma li ndaa Yawena paɗvunna ka kammi ko ndaɗta na.

⁵ Ko Yawe ay hu Siyon day paɗ vunum ki kaŋu. Aŋ hin wi begera ka hu Yerusalemba hu buu ma iiri maŋgana halaŋ,

⁶ aŋ hin wi gor ŋgologi maŋsina ki u iriŋ lay. Heɓpa kay suu Israelna.