SOOLLA 126 - Boy Lonana

Tiina mbuɗ ki furira

¹ Soolla suu tuɗ luu ma vi Lonna gaɗta. Hu buu ma Yawe hoŋoygi ay hu Siyonna, boy namma mbuɗ ko doyra daŋ njeŋgera na.

² Hu li namma vunuygi oy u sanda, siniygi sawalla furira kolo may, suuna hin mbuɗ njaɗ ana, «Yawe lasi dlara ŋgolla kasi wa.»

³ Kaygi aygi may ni Yawe li kaygi ŋgolo, aygi ay furi cocoo.

⁴ Yawe hoŋomi ami suu may suu ay ki ŋgayra ay voo, ko mbona mbasa hoŋ ga hu lummara na.

⁵ Sa ma zaa wana ga u tiinana, hin feɗem voni u furira may.

⁶ Asi tuɗa, asi tuɗ u tiina, u mbumbu ma wa ma zaara kasiya. Asi hoŋ aya, hoŋ ay u furira, ay u wa ma ne ay hu senena kasiya.