SOOLLA 125 - Boy Lonana

Lona ka gol suu mamsina

¹ Soolla suu tuɗ luu ma vi Lonna gaɗta. Suu hin tasi kay Bu Suunana ni ko ɦinira Siyonda na, ndaɗ ka geŋeɗɗi, ndaɗ ka coli na gak gak.

² Ko ɦinira ŋguy ki kay zi ma Yerusalemma na, Yawe ŋguy yam suu mamsina ki ni na may, cecemi lay a fokka lay a fafaɗta.

³ Ҥawaa, suu li dla cora ka ndak a ti mulla kay suu ɗegeenaɗi, suu ɗegeena ka kal tasi hu dlara ci maɗnaɗi lay.

⁴ Yawe li jivi kay suu jivina may, ni kay suu hurusi ɗegeena.

⁵ Na may kaɓakŋa kay suu goɓ loogi suu ɦawana, ko Yawe dikisi ha ki u suu cona halaŋ. Heɓpa kay suu Israelna.